ඔබේ සිනා ළඟ ගීතයට රචිකාවිය ඇතුළත් කළ බෞද්ධ දර්ශනයට මොකද උනේ?.

ආයුබෝවන් !
මයුරපාද මිතුරෝ කංඩායම ඔබව සාදරයෙන් පිලිගන්නවා...

සිංදු ගැන අපේ කතාබහට අදත් තෝරා ගත්තේ ඉතා ජනප්‍රිය ගීතයක් ඒ ජගත් වික්‍රමසිංහ මහතා ගායනා කරන " ඔබේ සිනා ළඟ " කියන ගීතයයි.

මයුරපාද මිතුරෝ හරහා කතාබහ කරන මේ සිංදු ගැන ලිපි එකතුව ඔබට අධ්‍යාපනික වශයෙන් සහ ඔබගේ රසාස්වාදයට ලොකු පිටුවහලක් වගේම ගීතයේ වෙනදාට වඩා ඔබට රසයක් එකතු වෙනවා නොඅනුමානයි.

ජගත් වික්‍රමසිංහ මහතා.

ගීතය ලියවෙන්නේ ජගත් වික්‍රමසිංහ මහතාගේ වැඩිමල් සොහොයුරිය අතින් ඒ ඇයගේ පෞද්ගලික අත්දැකීමකට අනුවයි. ඇය නමින් දේශාංජලී  වික්‍රමසිංහ මහත්මියයි.

- මයුරපාද මිතුරෝ -

ගීතයේ පද රචනා වෙන්නේ දේශාංජලී මහත්මිය 80 දශකයේ අග භාගයේ මොරටුව සරසවියේ ඉගෙනුම ලබන කාලයේ. සරසවියේදී ඇය ලැබූ ප්‍රේමණීය අත්දැකීමක් සම්බන්ධව ඇය පොතක ලියා තබනවා.

ගීතයේ මුල් කොටසේ කියවෙන පරිද්දෙන්ම කෙනෙක් තවත් කෙනෙකුට ආකර්ෂණය වන්නේ සිත්ගන්නාසුළු සිනහවෙන්, සහ කතාවෙන්. ඇය මෙම පද පෙළ ලියා තැබුවේ එවැනි දෙයක් තදින්ම සිතට දැනුණු මොහොතක.

මේ ආකාරයෙන් දේශාංජලී මහත්මිය අතින් ලියවෙන පද පේලිය පසු කාලයක අහම්බෙන් ඇගේ සොහොයුරාවන ජගත් වික්‍රමසිංහ මහතාට හමුවෙනවා.

ඔහු සොහොයුරියට යෝජනා කරනවා පොතෙහි ලියූ පද පේලිය හරහා ගීතයක් කරන්නට. පසුව ජගත් මහතා සුදුසු තනුවක් නිර්මාණය කරා.

- මයුරපාද මිතුරෝ -

අප අදහන බෞද්ධ දර්ශනයට අනුව ප්‍රේමය යනු දුකක්. බැදීම් හරහා දුකක් ලැබෙනවා සේම ප්‍රිය අයගෙන් වෙන්වීමද අපට දුකක්. දේශාංජලී මහත්මිය ගීතය හරහා බුදු දහමේ ප්‍රේමය පිළිබඳ දර්ශනයද ලියන්නට අමතක කරන්නේ නැහැ.

කෙසේ නමුත් ඔබ අප රසවිදින්න මේ ගීතය දේශාංජලී මහත්මිය රචනා කළ සම්පූර්ණ ගීතය නම් නොවේ.

දේශාංජලී මහත්මිය ගීතය දිගින් වැඩි වූ නිසා ගීතය ලියන්නේ එක් කොලයක දෙපසකයි. නමුත් අවාසනාවකට ජගත් මහතා ගීතය පටිගත කිරීමේදී ඔහු ගීතය එක් කොලයක දෙපසෙහිම ලියා ඇති බව දකින්නේ නැහැ.

- මයුරපාද මිතුරෝ -

ගීතය ලියූ කොලයේ අනික් පිට ජගත් මහතා ඒ අවස්ථාවේ නොබැලූ නිසා ගීතයේ දේශාංජලී මහත්මිය රචනා කළ බෞද්ධ දර්ශනය ගීතයට ඇතුළත් වෙන්නේ නැහැ. ඒ අනුව ගීතය ඉතා කෙටි පද පේලියකින් නිර්මාණය වෙනවා. කෙසේ නමුත් ගීතයේ ජනප්‍රියත්වය වර්තමානයේත් කිසිදු වෙනසක් නම් සිදුවී නැහැ.

" ඔබේ සිනා ළඟ නෙත නැවතුනු දා
ඔබේ කතා ළඟ සිත නැවතුනු දා
ප්‍රේමය හැදින්නෙමි //
මේ ලෝ තලයේ //

කුමටද උපමා ඉතිහාසයේ උන්
ප්‍රේමවන්තයින්ගෙන් ..
කුමටද ආදරයේ පෙම් සැමරුම්
පෙම් පාරාදීසේ ..

ඉමක් කොනක් නැති ආකාසේ
තරු පායා එන සේමා ..
ඉමක් නිමක් නැත පෙම් හදවත් තුළ
පෙම් සිතුවිලි බෝමා

ඔබේ සිනා ළඟ ... "

ගායනය - ජගත් වික්‍රමසිංහ.
පද රචනය - දේශාංජලී වික්‍රමසිංහ.
සංගීතය - ජගත් වික්‍රමසිංහ.

ගීතය රසවිදින්න...

*******

මයුරපාද මිතුරෝ මෙම අඩවියෙහි පළවන ලිපි පිලිබඳ තොරතුරු ප්‍රථමයෙන් සහ ඉක්මනින් ලබාගැනීමට අපගේ නිල facebook පිටුව සමග එකතුවන්න

 ↪ මෙතනින්  ↩

මෙම ලිපිය සම්බන්ධ ඔබගේ අදහස් පහතින් comment කරන්න.

තවත් කෙනෙකුට දකින්න share කරන්න.

මයුරපාද මිතුරෝ සමග එක්වූ ඔබට ස්තූතියි!.

Read More

සංවේදී වැඩි නිසා ප්‍රචාරය තහනම් වූ සිංහල ගීතය.

1993 ජූනි 7 යනු ශ්‍රී ලාංකීය ගීත වංශ කතාවේ තවත් එක් විශිෂ්ඨ ගායකයෙකු උපත ලැබූ දිනයයි. ඔහු නමින් "නාරද ලිලනාග කල්දේරා දිසාසේකර" මහතායි. බොහෝ දෙනෙකු ඔහු හදුනාගත්තේ "නාරද දිසාසේකර" නමින්.

1954 වර්ශයේ ගුවන් විදුලියට ශබ්ද ඉංජිනේරුවෙකු ලෙස එක්වන ඔහු  1955 වසරේ ප්‍රථම වරට " තිලෝ තිලක සුගත පියා " ගීතය ගැයීමෙයි ගායන ලෝකයට ඔහු එකතු විය.

නාරද දිසාසේකර මහතා.

නාරද දිසාසේකර මහතා ගැයූ ගීත අතරි වඩාත් ජනයා අතර ජනප්‍රියතම වූයේ එච්මන් ජයසූරිය මහතා ලියු මුළු හදින් මම ඇයට පෙම් කොට හා ධර්මපි‍්‍රය ලොකුහේවා මහතා ලියු අනාගත පෙම් සිහින මැව්වෙමි ගීතයි.

මයුරපාද මිතුරෝ මෙම අඩවියෙහි අද දින ගීත ගැන කතාබහට තොරා ගත්තේ නාරද දිසාසේකර මහතා ගායනා කරන " මුළු හදින් මම ඇයට පෙම් කොට" ගීතයයි. වර්තමානයේ මෙතුමන්ගේ ගීත එතරම් අපට නෑසුනත් නාරද දිසාසේකර යනු සිංහල ගීත ඉතිහාසය උඩු යටිකුරු කල පුද්ගලයෙකි.

- මයුරපාද මිතුරෝ -

එඩ්මන් ජයසූරිය හෙවත් ආරියදාස එඩ්මන්ඩ් පෙරේරා ජයසූරිය මහතා අතින් ලියවෙන මේ ගීතය ඔහුගේ පෞද්ගලික අත්දැකීමක් හරහා ලියවුණු ගීතයක් ලෙස බොහෝ දෙනෙකු හදුන්වනු ලබනවා.

ඒ එතුමන් විසින් රචනා කළ ප්‍රථම සහ එකම ගීතයයි. ගීතය රචනා කර ඔහු එම ගීතය තම පාසල් මිතුරෙකු වූ ගුවන් විදුලියේ එකල සේවය කළ නාරද දිසාසේකර මහතාට ලබා දෙනවා.

ගුවන් විදුලියට ශබ්ද ඉංජිනේරුවෙකු ලෙස නාරද මහතා එකතු වූ නමුත් ඔහුගේ ගීත ගායනා කිරීමේ හැකියාව නිසා ඔහුට ගුවන් විදුලියේ සරල ගී වැඩසටහනකට ගීත තුනක් ගායනා කිරීමේ අවස්ථාව ලැබෙනවා. ඒ ගීත තුන අතරට " මුළු හදින් මම ඇයට පෙම් කොට " ගීයත් ඇතුළත්.

ගීතය ප්‍රෙක්ෂකයා අතර අතිශය ජනප්‍රිය සහ රසිකයාට යම් බලපෑමක් එක් කළ ගීතයක් විය. විරහ ගීතයක් වූ මේ ගීතය සිංහල ගීතයේ අතිශය සංවේදී ගීතයක් ලෙස ඉතිහාසය එක් වන්නේ ප්‍රේක්ෂකයාගේ සංවේදී ප්‍රතිචාර හේතුවෙන්.

                          - මයුරපාද මිතුරෝ -

එකල ගීතය ප්‍රේක්ෂකයන් අතර කොතරම් බලපෑමක් ඇති කරාද යන්නට උදාහරණයක් ලෙස එකල ගුවන් විදුලියේ බළධාරීන් හට ගීතය වසර කිහිපයක් ප්‍රචාරය තහනම් කිරීම පවා සිදුවීම දැක්විය හැකියි.

අංගොඩ මානසික රෝහලේ ප්‍රතිකාර ලැබූ බොහෝ රෝගීන් පවා හුදෙකලාවේ සිට මෙම ගීතය මුමුණන්නට පටන්ගත් බව එකල රෝහල් වෛද්‍ය වරුන් ප්‍රකාශ කර ඇත.

තවද, ගීතයෙහි ඇති බලපෑම හේතුවෙන් ප්‍රේම වියෝගය දරාගත නොහැකි වුනු පුද්ගලයෙකු තම රේඩියෝ එකට පොරෝ පාරක් එල්ල කර රේඩියෝව දෙපළු කළ බව "ඔබ්සවර් පුවත්පතේ 'Song Sends Man insane' යන ශීර්ෂපාඨය යටතේ පළවී ඇත.

මෙය නාරද දිසසේකරයන්ගේ ප්‍රකටම ගීතය වන අතර මේ නමින් නවකතාද පලවී තිබෙනවා. ඒවා නම් ගුණදාස ලියනගේ ලියු ‘මුළු හදින් මම ඇයට පෙම් කොට’ හා ධර්මපි‍්‍රය ලොකුහේවා ලියු ‘අනාගත පෙම් සිහින මැව්වෙමි’ නවකතායි.

                       - මයුරපාද මිතුරෝ -

70 දශකයේ වරක් පේරාදෙණිය විශ්වවිද්‍යාලයේ පැවැත්වූ සංගීත ප්‍රසංගයකදී ශ්‍රාවකයන්ගේ ඉල්ලීම පරිදි මේ ගීතය 5 වතාවක් ගායනා කරන්න නාරද මහතා හට සිදුවී තිබෙනවා.

1967දී ගුවන් විදුලිය සංස්ථාවක් බවට පත්වීමේදී නාරද මහතාට සිදු වූ අසාධාරණයක් නිසාවෙන් ඔහු ඉන් ඉවත් වී "දවස" පුවත්පතට බැඳීය. ඔහු පසු කලෙක නාගරික සංවර්ධන හා පූජා භූමි සංවර්ධන අමාත්‍යංශයේ මාධ්‍ය සම්බන්ධීකරණ ලේකම්වරයා ලෙසින් ද ක්‍රියා කළේ ය.

එසේ කල් ගෙවූ ඔහු 2010 මැයි 19 දින වයස 76ක්ව තිබියදී මිය ගියා.

                          - මයුරපාද මිතුරෝ -

වර්තමාන පරපුර අතර නාරද දිසාසේකර මහතා එතරම් ජනප්‍රියත්වයක් නැතත් එතුමන්ගේ පුත්‍රයා එනම් සාරංග දිසාසේකර මහතා ගායකයෙකු සහ රංගන ශිල්පියෙකු ලෙස සමාජය අතර ජනප්‍රියව ඇත.

නාරද දිසාසේකර මහතාගේ පුත් සාරංග දිසාසේකර මහතා.

නාරද දිසාසේකර මහතාගේ බිරිඳ නිවේදිකාවක වූ තිලකා රණසිංහ මහත්මියයි.

මුළු හදින් මම ඇයට පෙම් කොට
අනාගත පෙම් සිහින මැව්වෙමි
මගේ සොඳුරිය වෙනත් කෙනෙකුට
අයිති වුණු හැටි බලා දුක් වෙමි .

නිසංසල තැනකට වෙලා
හඩන මගෙ ඇස් දෙක දෙස බලා
කියන්නකෝ දෙවියනේ
මේ දුක් කොහොම ඉන්නද ඉවසලා

මගේ අත ගෙන කනට ළං වී
අනෙ සුදු මම ආදරේ යැයි
කියන්නට සිතුනේ ඇයිද සුදු
නොසිතුවෙද මට දුක් ලැබේයැයි

නිදැල්ලේ තුරුලට වෙලා
රහස් එක එක කොඳුරලා
සිනාසුණු හැටි මතක් වෙනකොට
කොහොම ඉන්නද ඉවසලා

එදා රෑ ගං ඉවුර අසබඩ
සුපුන් සඳ පායන වෙලාවක
කතා කී හැටි මතක් වෙනකොට
දුක දැනෙයි පවතින අපායක

මෙහෙම ලෝකෙක ඉපදිලා
සිතෙහි අදහස් සුන් වෙලා
මා උපන්නේ දුක් විදින්නද
දුක් කඳුළු මැද තනිවෙලා

මුළු හදින් මම ...
ගායනය - නාරද දිසාසේකර
පද රචනය - එඩ්මන් ජයසූරිය
සංගීතය - කුලරත්න තෙන්නකෝන්

ගීතය රසවිදින්න....

*******

මයුරපාද මිතුරෝ මෙම අඩවියෙහි පළවන ලිපි පිලිබඳ තොරතුරු ප්‍රථමයෙන් සහ ඉක්මනින් ලබාගැනීමට අපගේ නිල facebook පිටුව සමග එකතුවන්න

 ↪ මෙතනින්  ↩

මෙම ලිපිය සම්බන්ධ ඔබගේ අදහස් පහතින් comment කරන්න.

තවත් කෙනෙකුට දකින්න share කරන්න.

මයුරපාද මිතුරෝ සමග එක්වූ ඔබට ස්තූතියි!.

Read More

බැංකු කාඩ් මගින් අන්තර්ජාල හරහා භාණ්ඩ මිලදී ගන්නේ මෙහෙමයි.

ආයුබෝවන්!.

ඔන්න එහෙනම් අන්තර්ජාල ගණුදෙනු ගැන කතා කරන්න අපි දෙවෙනි ලිපියත් අරගෙන ආවා. ඉතින් අපි කතා කරන්නේ බැංකු Debit කාඩ් හරහා ගණුදෙනු කරන විදිහ ගැන.

අන්තර්ජාල ගණුදෙනු ගැන කාතා කරන මේ අපේ දෙවන ලිපිය  පලවෙනි ලිපියෙන් අපි කතා කරා Debit කාඩ් එකේ මේ ගණුදෙනු සදහා අවශ්‍ය දේවල් ගැන. ඉතින් ඒ ලිපිය තාම බැලුවේ නැතිනම් අනිවාර්යයෙන් ඒ ලිපිය බලලා එන්න.

පලමු ලිපිය

හරි, ගොඩක් ලොකු විස්තරයක් කරන්න නම් මම බලාපොරොත්තු වෙන්නේ නෑ. මොකද දැනටමත් facebook ගිණුමක් භාවිතා කරන ඔයාට මේ ebay ගිණුමක් ආරම්භ කරන එක එච්චර අමාරු දෙයන් නෙමෙයි.

සුපුරුදු පරිදි සහ මගේ පහසුවට මම ඔයාලට උදාහරණ දෙන්න පාවිච්චි කරන්නේ මගේ ජංගම දුරකථනය.

0.1 රූපය

ඔයා දැනටම ebay ගිණුමක හිමිකාරයෙක් නම් ඉතින් සුපුරුදු පරිදි sing in වෙන්න. තාම ebay ගිණුමක් නැතිනම් Register කියන තැනින් ebay ගිණුමක් හදුගන්න පුලුවන්.

0.2 රූපය

Email ලිපිනය සහ ඔයාගේ password එක ඇතුළත් කරන්න. ඒ වගේම අපි ඔය Mayurapada Mithuro කියලා දීලා තියෙන තැන තමයි ඔයාගේ නම ඇතුළත් කරන්න ඕන. ( හරි සරලයි ) ඒ වගේම ඔයාගේ දුරකථන අංකය. මේ දේවල් ඇතුළත් කරලා Register වෙන්න.

දැන් අපිට ebay ගිණුම්ක් තියෙනවා. දැන් අපි අපිට අවශ්‍ය බඩු මිලදී ගන්න හැටි බලමු.

0.3 රූපය

මම නම් ඉතින් තෝර ගත්තේ බෙල්ට් එකක්. ⁣මේ මිලදී ගැනීම්වලදී ඔයා සැලකිලිමත් විය යුතු කරුණු කිහිපයක් තියෙනවා. ඔයාට පේනවා ඇති 0.3 රූපයේ මම තැන් තුනක් පාට තුනකින් කොටු කරලා තියෙනවා.

- මයුරපාද මිතුරෝ -

කළු පාටින් පෙන්නන තැන බලන්න. ඒ භාණ්ඩ මිලදී ගනිද්දී ඔයාට භාණ්ඩයේ මිලට අමතරව ගෙන්න ගන්නත් ගානක් ගෙවන්න වෙනවා. +$0.39 shipping කියලා තියෙන්නේ ඒ භාණ්ඩය ඔයා⁣ට ගෙන්න ගන්න භාණ්ඩයේ මිලට අමතරව ගෙවන්න වෙන මිල.

ඊලඟට 0.3 රූපයේ මැද තියෙන බෙල්ට් එකට නම් අපිට භාණ්ඩයේ මිල විතරයි ගෙවන්න ඕන මම නිල් පාටින් කොටු කරලා තියෙනවා, එතන තියෙන්නේ free shipping කියලා. ඉතින් මේ free shipping භාණ්ඩවලට ඔයාට අමතර මුදලක් වියදම් කරන්න ඕන නෑ භාණ්ඩය ගෙන්න ගන්න.

ඉතින් ඔයාට ⁣මේ free shipping කරන භාණ්ඩ විතරක් අවශ්‍ය නම් 0.3 රූපයේ රතු පාටින් පාට කරලා තියෙන Filter කියන එක තෝරන්න.

0.4 රූපය

ඉතින් මේ Filter කියන තැනින් අපිට පුලුවන් shipping තෝරලා එතනින් free shipping තියෙන බඩු විතරක් තෝරගන්න. ඒ වගේම ⁣මේ filter කියන තැනින් ඔයා කැමති විදිහට ගොඩක් දේවල් තොරගන්න පුලුවන්.

                          - මයුරපාද මිතුරෝ -

0.5 රූපය

0.5 රූපයෙන් පෙන්නන්නේ මම තෝරගත්ත බෙල්ට් එක. ඔයාට පේනවා ඇති මේක free shipping වලින් ගෙන්ක ගන්න පුලුවන්. දැන් ඔයා Buy It Now තෝරන්න.

0.6 රූපය

දැන් ඔයාගේ විස්තර ටික දෙන්න. රට ඉතින් ලංකාවනේ.... ඔයාගේ ලිපිනය, නගරය , ZIP Code කියන්නේ ඔයාගේ ප්‍රදේශයේ තැපැල් කාර්යාලයේ අංකය. (0.6 රූපයේ රතු පාටින් කොටු කරලා තියෙනවා. ) ඔයා මේ අංකය දන්නේ නැති නම් google හරහා ඔයාට මේ අංකය ලබාගන්න පුලුවන්.

0.7 රූපය

ඉතින් 0.6 රූපයේ මම රතු පාටින් කොටු කරලා තියෙන තැනට 71500 කියලා දුන්නේ ඒ මාවනැල්ල තැපැල් අංකය නිසයි. අපිත් එක්ක එකතු වෙන වැඩි පිරිසක් මාවනැල්ල අවට නිසා මම ඒ අයට පහසුවට මම මේ අංකය තොර ගත්තා.

                         - මයුරපාද මිතුරෝ -

ඔයා මාවනැල්ලේ නෙමෙයි නම් ඔයාගේ අදාල ප්‍රදේශයේ ⁣තැපැත් අංකය 0.7 රූපයේ වගේ ඔයාට google හරහා ලබාගන්න පුලුවන්.

දැන් ඔයා 0.6 රූපයේ පහලින් තියෙන continue බොත්තම ඔබන්න.

0.8 රූපය

අපි මුදල් ගෙවන්නේ අපේ Debit කාඩ් එකෙන් නිසා ඔයා debit කාඩ් කියන කොටස තෝරන්න.

0.9 රූපය

මේක තමයි ඉතින් ගෙ ගාඩක් අයට නොතේරෙන තැන. මෙතන තමයි අපි මුදල් ගෙවන debit කාඩ් විස්තර ඇතුළත් කරන්න ඕන තැන.

මුලින් තියෙන Card number කියන තැනක අපි පලවෙනි ලිපියෙන් කතා කරපු කාඩ් අංකය කියන එක ඇතුළත් කරන්න.

                         - මයුරපාද මිතුරෝ -

Expiration date කියන තැනට debit කාඩ් එක කල් ඉකුත්වීමේ දිනය දෙන්න. ( මේවා ගැන අපි පලවෙනි ලිපියෙන් කතා කරා )

Security cord කියන තැනට කාඩ් එක අනික් පැත්තේ තියෙන තියෙන රහස් අංක ඇතුළත් කරන්න.

ඊට පස්සේ ඔයාගේ නම... හරි දැන් වැඩේ හරි..... දැන් ඉතින් ඔයාට ebay හරහා මිලදී ගැනීම් කරන්න පුලුවන්.

තව දෙයක් මේ පිංතූර මේ තියෙන පිළිවෙලටම ebay ගිණුම ආරම්භ කරනකොට එන්නේ නැති වෙයි සමහර විට, මොකද මගේ ebay ගිණුම දැන් අවුරුදු 4-5ක් පරණයි. ඔයාලට පෙන්වන්න ඕන නිසා තමයි මේ පිංතූර ටික ගත්තේ. අනිත් එක මේ මගේ දුරකථනයෙන් කරපු විදිහ, computer එකේ පොඩ්ඩක් වෙනස් විදිහට එන්නේ, ඒක තේරුම් ගන්න පුලුවන් ඔයාට.

                          - මයුරපාද මිතුරෝ -

ඒ ගැන එච්චර හිතන්න එපා, ඔයාලා නොදන්න තැනක් තිබුනොත් ඒ , තැපැල් අංකයයි, Debit කාඩ් අංක ඇතුළත් කරන තැනයි විතරයි..

0.10 රූපය

0.10 රූපයේ පේන්නේ Aliexpress වෙඩ් අඩවියේ ලියාපදිංචි වෙලා භාණ්ඩ මිලදී ගන්න මුදල් ගෙවන්න debit කාඩ් විස්තර ඇතුළත් කරන තැන.. පේනවානේ වෙනසක් නෑ අර ටිකම තමයි.

Ebay හරහා මිලදී ගත්තු භාණ්ඩයක් ගෙදරට එන්න දවස් 30ක් විතර යනවා. Aliexpress හරහා නම් දන්න තරමින් දවස් 40ක් විතර යනවා.

                          - මයුරපාද මිතුරෝ -

ඔයා ebay හරහා ගෙන්නන්න භාණ්ඩය ආවේ නැතිනම්. එහෙමත් නැතිනම් කැඩිලා තිබුනොත් ඔයාට ඔයාේ මුදල් ආපසු ගන්න හැකියාවත් , එහෙම නැතිනම් ඒ භාණ්ඩය මුදල් රහිතව නැවත ගෙන්න ගන්න හැකියාවත් තියෙනවා.

ඉතින් මුලින් කීවා වගේ ගොඩක් විස්තර නම් කතා කරන්න බලාපොරොත්තු වෙන්නේ නෑ. මේ ලිපිය මෙතනින් අවසන් කරනවා. මොකක් හරි ගැටලුවක් තියෙනවා නම් comment කරන්න . එහෙමත් නැතිනම් අපේ facebook පිටුවට msg එකක් දාන්න.

*******

මයුරපාද මිතුරෝ මෙම අඩවියෙහි පළවන ලිපි පිලිබඳ තොරතුරු ප්‍රථමයෙන් සහ ඉක්මනින් ලබාගැනීමට අපගේ නිල facebook පිටුව සමග එකතුවන්න

 ↪ මෙතනින්  ↩

මෙම ලිපිය සම්බන්ධ ඔබගේ අදහස් පහතින් comment කරන්න.

තවත් කෙනෙකුට දකින්න share කරන්න.

මයුරපාද මිතුරෝ සමග එක්වූ ඔබට ස්තූතියි!.

Read More

අන්තර්ජාල හරහා භාණ්ඩ මිලදී ගන්නේ මෙහෙමයි.

ඔන්න කලින් ලිපිය පොරොන්දු වෙච්චි විදිහටම අද අපි කතා කරන්න හදන්නේ අන්තර්ජාල හරහා භාණ්ඩයක් මිලදී ගන්නේ කොහොමද කියලා.


භාණ්ඩ මිලදී ගන්න පුලුවන් වෙබ් අඩවි ගැන කතා කරනකොට අපි කවුරුත් දන්න වෙබ් අඩවිය තමයි ebay කියන්නේ. ඒ වගේම amazon , Aliexpress කියන්නෙත් අන්තර්ජාල හරහා භාණ්ඩ මිලදී ගන්න පුලුවන් වෙබ් අඩවි.

amazon වෙබ් අඩවියෙන් නම් මම දන්න තරමින් භාණ්ඩයක් ලංකාවට ගෙන්න ගන්න ටිකක් අමාරුයි. amazon වෙබ් අඩවියෙන් භාණ්ඩ ගෙන්න ගන්න ඕන නම් අපිට ලංකාවේ kapruka.com වෙබ් අඩවියෙන් සහය ලබාගන්න පුලුවන්

අන්තර්ජාල හරහා භාණ්ඩ මිලදී ගන්න පුලුවන් ලංකාවේ වෙබ් අඩවිත් ගොඩක් තියෙනවා. ඒ ලංකාවේ වෙබ් අඩවි හරහා නම් ඔයාලට mobitel m cash සහ dialog ez cash වගේ සේවා භාවිතා කරලා මුදල් ගෙවන්න හැකියාවක් තියෙනවා වගේම භාණ්ඩය ලැබුණු පසු මුදල් ගෙවීමේ හැකියාවත් තියෙනවා.

                           - මයුරපාද මිතුරෝ -

ඕනම දෙයක් මිලදී ගන්න නම් අපිට මුදල් තියෙන්න ඕන. ඉතින් මේ අන්තර්ජාල ගනුදෙනු සදහා ඔයාට Visa Debit කාඩ් එකක් Visa Credit කාඩ් වගේ දෙයක් භාවිතා කරන්න පුලුවන් ( තව ක්‍රම තියෙනවා ). ලංකාවේ නම් අපිට Commercial
 (කොමල්ෂල්) බැංකුව , HNB බැංකුව , සහ සම්පත් බැංකුව මේ බැංකු තුනෙන් විතරයි මේ කාඩ් මගින් කරන අන්තර්ජාල ගණුදෙනු අපිට කරන්න පුලුවන්.

සම්පත් බැංකුව නම් ඔයාට "සම්පත් වෙබ් කාඩ්" එකක් ඕන කරනවා මේ අන්තර්ජාල ගණුදෙනුවලට.

පෞද්ගලිකව මම නම් මේ අතරින් පාවිච්චි කරන්නේ HNB බැංකුවේ Visa Debit කාඩ් එක. ඉතින් මම ඒක අමුතුවෙන් මේ අන්තර්ජාල ගණුදෙනු වෙනුවෙන් හදපු එකක් නෙමෙයි. මම පොඩි කාලේ මගේ දෙමව්පියෝ මට හදපු බැංකු ගිණුම, මට වයස 18 උනාට පස්සේ මගේ පහසුව වෙනුවෙන් මම හදාගත්තු Debit කාඩ් එක තමයි ඒක.

                           - මයුරපාද මිතුරෝ -

මේ Commercial සහ HNB බැංකු Debit කාඩ් නම් හරිම පහසුවෙන් බැංකු ගිණුමත් සමඟ ලබාගන්න ඔයාට පුලුවන් (අන්තර්ජාල ගණුදෙනු කරන්න පුලුවන් කාඩ් එකක් කියන්න), ඒ වගේම සම්පත් බැංකුවේ වෙබ් කාඩ් එකත් ඔයාලට ගිණුමක් ආරම්භ කරලා ඉල්ලුම්පත් කිහිපයක් සම්පූර්ණ කරපුවාම ලබාගන්න පුලුවන්.

ඉතින් කලින් කීවා වගේ මම දැනට පාවිච්චි කරන්නේ මගේ HNB Visa Debit කාඩ් එක ඒ නිසා මම පැහැදිලි කරන්නම් මේ HNB Debit කාඩ් එකෙන් ගණුදෙනු කරන විදිහ.

HNB බැංකු කාඩ් එක තියෙන්නේ මේ විදිහට. දැන් මේ කාඩ් එකෙන් ගණුදෙනු කරන්න ඔයාලට දේවල් 3ක් ඕන කරනවා.

                           - මයුරපාද මිතුරෝ -

පළවෙනි එක තමයි ඔය අංක 16ක් තියෙන කාඩ් අංකය. දෙවනි එක තමයි කාඩ් එක කල් ඉකුත් වීමේ දිනය.

කාඩ් එකේ මේ පැත්තෙන් අපිට ඕන කරන්නේ මේ දෙක විතරයි. දැන් කාඩ් එකේ අනික් පැත්ත බලන්න.

මේ අනික් පැත්ත. මේ රූපයේ ඔය රතු පාටින් රවුම් කරලා තියෙන තැන ඇති අංක තුනක්. ඉතින් අපිට ඕන කරන අන්තිම දේ තමයි ඒ අංක තුන.

ඉතින් මේ අංක තුනන් තමයි අපි Visa Debit කාඩ් හරහා අන්තර්ජාල මගින් භාණ්ඩයක් මිලදී ගන්නේ.

                           - මයුරපාද මිතුරෝ -

මේ අංක ඔයාලා ලඟ තියෙන ඕනම බැංකු කාඩ් එක්ක ඇති. නමුත් ඒ හැම කාඩ් එකෙන්ම ඔයාලට අන්තර්ජාල හරහා භාණ්ඩ මිලදී ගන්න හැකියාවක් නම් නෑ, මම දන්න තරමින් මම කලින් සදහන් කරපු බැංකු තුන මගින් විතරයි ලංකාවේ මේ පහසුකම අපිට ලැබෙන්නේ.

ඉතින් මේ කාඩ් එක පාවිච්චි කරලා භාණ්ඩ මිලදී ගන්නේ කොහොමද?. අපි ඒ ගැන ඊලඟ ලිපියෙන් කතා කරමු. මේ ලිපිය ගැන ඔයාට මොකක් හරි ගැටලුවක් තියෙනවා නම් ඒ ගැන පහතින් comment කරන්න. නැතිනම් මයුරපාද මිතුරෝ අපේ facebook page එකට msg එකක් දාන්න.

*******

මයුරපාද මිතුරෝ මෙම අඩවියෙහි පළවන ලිපි පිලිබඳ තොරතුරු ප්‍රථමයෙන් සහ ඉක්මනින් ලබාගැනීමට අපගේ නිල facebook පිටුව සමග එකතුවන්න

 ↪ මෙතනින්  ↩

මෙම ලිපිය සම්බන්ධ ඔබගේ අදහස් පහතින් comment කරන්න.

තවත් කෙනෙකුට දකින්න share කරන්න.

මයුරපාද මිතුරෝ සමග එක්වූ ඔබට ස්තූතියි!.

Read More

චන්ද්‍ර මණ්ඩලේ සැතපුන පුංචි සාවියේ ගීතයේ අරුත දැනගන්න ලිපිය කියවන්න.

1949 දෙසැම්බර් 19 දින කොළඹදී  උපත ලැබූ පැට්රිකිරිගේ සුනිල් ජයප්‍රීති එදිරිසිංහ යනු සිංහල ගීත ඉතිහාසයේ බිහිවූ අති විශිෂ්ඨ ගායකයෙකු ලෙස කිසිදු තර්කයකින් තොරව අපට පිලිගත හැකි කරුණක්.

1970 වසරේ සතිස්චන්ද්‍ර එදිරිසිංහ මහතා එනම් සුනිල් එදිරිසිංහ මහතාගේ සොහොයුරා අධ්‍යක්ෂණය කළ  " මාතර ආච්චි " චිත්‍රපටයට ගීත ගායනයෙන් ප්‍රථම වරට ගායකයෙකු ලෙස එක්වන සුනිල් එදිරිසිංහ මහතාගේ ජනප්‍රියත්වය අද වන විටත් කිසිදු වෙනසක් සිදුවී නොමැත.

- මයුරපාද මිතුරෝ -

සුනිල් එදිරිසිංහ මහතා පෞද්ගලිකවම මේ ලිපිය ලියන මාගේ ප්‍රියතම ගායකයෙක්, මයුරපාද මිතුරෝ හරහා සිංදු ගැන  කතාබහට තෝරාගත්තේ සුනිල් එදිරිසිංහ මහතා ගායනා කරන චංද්‍ර මංඩලේ සැතපුනු පුංචි සාවියේ කියන ගීතයයි.

------------------

රත්න ශ්‍රී විජේසිංහ මහතා අතින් ලියවුණු මේ ගීතය ආචාර්ය රෝහණ වීරසිංහ මහතාගේ සංගීතයෙන් රසවත් වෙනවා. මේ ගීතය සත්‍ය සිදුවීමක් නිසා ලියවුණු ගීතයක් කියලත් සමහරු කීවත් ඒ ගැන නම් හරියටම කියන්න මට හැකියාවක් නෑ.

පියෙකුගේ වියෝවක් තමයි මේ ගීතයෙන් කියවෙන්නේ. ඒ තමන්ගේ දුව හොර රහසේම කිසිදු අයුරකින් නොගැලපෙන පුද්ගලයෙකු එක්ක හොර රහසේම පැන යාම හේතුවෙන්.

චන්ද්‍ර මණ්ඩලේ සැතපුන පුංචි සාවියේ
මන්ද කියාපන් නොකියා හැංගිලා ගියේ

පියෙකුගේ වැඩි අවදානයක් වගේම වැඩි ආදරයක් ආරක්ෂාවක් ලැබෙන්නේ දියණියට. ඒ හේතුවෙන්ම  දියණියගේ මේ හිතුවක්කාර ක්‍රියාව ගැන ගොඩක් දුක් වෙනවා.

- මයුරපාද මිතුරෝ -

"දුවේ ඔයා මං ලඟ හරියට චන්ද්‍ර මංඩලයක ඉන්නවා වගේ හිටියේ. ඔයාට ඕන කරන හැම සැපතක්ම මම පුලුවන් උපරිමය දුන්නා. ඒත් ඇයි මේ වගේ මට නොකියාම යන්න ගියේ"

පාන නිවුන සේ පාළුයි ලැයිම් කාමරේ
මන්ද නුඹ ගියේ කියපන් පුංචි සාවියේ

ලයිම් කාමරේ කියද්දී අපිට හිතෙන්නේ ටකරන් වලින් වට වෙච්චි පුංචි තැනක ඉන්න පවුලක් තමයි මේ කියලා. මොකද අපි ලයිම කියලා කියන්නේ ඒ වගේ තැනකට. නමුත් මෙතනින් ඒ වගේ තැනක් ගැන නම් නෙමෙයි අදහස් වෙන්නේ.

පියෙකු දියණියට තමන්ට ලබාදිය හැකි දෙයිනුත් එහා ගිය දෙයක් දෙන්නට බලාපොරොත්තු වෙනවා. මෙතනිනුත් ඒ ව⁣ගේ දෙයක් අදහස් වෙනවා. මේ ගෙදර මේ ගෙදර පසුබිම මගේ දුවට මදි, කොච්චර වස්තු දේපල තිබුනත් පියා ඒක දැක්කේ දියණිය ඉන්නේ ලයිමක වගේ.

- මයුරපාද මිතුරෝ -

ලාබ රත්තරන් දිලිසෙන පාළු වීදියේ
ගෑණු ළමයි පියාඹලා ඉස්සරත් ගියේ

දියණියට වඩා හොද සමාජය ගැන අත්දැකීමක් පියෙකුට තියෙනවා. ඒ නිසයි සමාජයේ තම දියණියට සිදුවිය හැකි දේ පිළිබඳ පියෙකු වැඩි අවදානයෙන් ඉන්නේ. ඒ ගැන මේ පද පේලියෙන් අපිට තේරුම් ගන්න පුලුවන්.

දුවේ මම දන්නවා ඕවා ලාබ රත්තරන්. උබට ඔය තරුණයා කියපු පෙම් කතා , මවපු ලෝක ඕවා ඔක්කෝම බොරු. ඒ සුරංගනා ලෝකයත් විතරයි. දුව බලාපොරොත්තුවෙන සෙනෙහසක් නම් ඔතන නෑ.  මොකද මම දන්නවා, ඔය විදිහට රැවටුන පලවෙනි කෙනා ඔයා නෙමයි.

උන්ට සෙයිලමේ මග තොට පාර වැරදුණේ
අන්න ඒ නිසයි මට දුක රත්තරන් දුවේ

ඒ රැවටුන ළමයින්ගේ අද තත්වය ගැන මම හොදට දන්නවා දුවේ. ඒ දූවරු අද විදින දුක ගැන මම දන්නවා. ඒ දරුවන්ගේ දෙමාපියෝ අද කොච්චර දුක් වෙනවා ඇතිද.. මට බය මගේ දුවේ උබටත් ඒ ටිකම වෙයි කියලා..

- මයුරපාද මිතුරෝ -

මාල බැඳන් සුදු යකඩෙන් රෝස මල වනේ
මාල ගිරවු ගේ දොරකඩ සින්දු කිවු වෙලේ
හීනෙනුත් හිතුනෙ නෑ මට මොකද කාරණේ
පාර මතක නම් තාමත් ගේ ළඟයි දුවේ

මගේ දුව ගැන මට ලොකු විස්වාසයක් වගේම ආඩම්බරයක් තිබුනා. මම සමහර තරුණ ගැටව් ගැන පුංචි පුංචි සැක තිබුනත් මගේ දුව ගැන මට ලොකු විස්වාසයක් තිබුනා. මම හීනයතින් වත් හිතපු දෙයක් නෙමෙයි මේ වුනේ. මගේ රත්තරන් දුවේ මේ ගෙදර දොර උබට තාමත් ඇරලා මගේ දුවේ..

පදරචනය - රත්න ශ්‍රී විජේසිංහ
සංගීතය - ආචාර්ය රෝහණ වීරසිංහ
ගායනය - සුනිල් එදිරිසිංහ

ගීතය රසවිදින්න...

සිංදු ගැන කතාබහට තවත් ගීතයකින් හමුවෙමු. 

*******

මයුරපාද මිතුරෝ මෙම අඩවියෙහි පළවන ලිපි පිලිබඳ තොරතුරු ප්‍රථමයෙන් සහ ඉක්මනින් ලබාගැනීමට අපගේ නිල facebook පිටුව සමග එකතුවන්න

 ↪ මෙතනින්  ↩

මෙම ලිපිය සම්බන්ධ ඔබගේ අදහස් පහතින් comment කරන්න.

තවත් කෙනෙකුට දකින්න share කරන්න.

මයුරපාද මිතුරෝ සමග එක්වූ ඔබට ස්තූතියි!.

Read More