ගාම්භීර සංගීතයකින් සහ ගාම්භීර හඩකින් ගායනා කරන මේ ගීතය අපේ හිත් වලට අමුතු හැගීමක් අමුතු පිබිදීමක් ලබා දෙනවා.. සුනිල් ආරියරත්න මහතාගේ රචනයෙන් රෝහන වීරසිංහ මහතාගේ සංගීතයෙන් විශාරද නන්දා මාලිනී මහත්මිය ගායනා කරක තුන් හෙළේ කැලෑ තුළ සිංහ පැටවු ගීතය ගැන අපි කතා කරමු.
තුන් හෙළේ කැලෑ තුළ සිංහ පැටව්
නැත උන් රට අතැර ගොසින්
අතීතයේ රුහුණු, මායා, පිහිටි, ලෙස කෙටෙස් තුනකට වෙන්කර තිබුනා. ඒ කොටස් තුන එක්කර හැදුනු රට තමයි තුන් හෙළය කියන්නේ. රටේ රට වැසියන්ගේ වීරත්වය නිසාම අපේ රටේ මිනිසුන් සමාන කරන්නේ සිංහයන්ටයි ( හැමෝටම නෙමෙයි ).
ඔබ දන්නවා කැලෑවක ජීවත්වන සිංහයන් හීලෑ නොවූ පිරිසක්. තමන්ගේ කංඩායමට , තමන්ගේ වාස භූමියට හෝ තමන්ට අනතුරක් සිදුවන ඕනෑම අවස්ථාවක සිංහයා ඒ ඕනෑම අයෙකුට පහර දෙන්න පසුබට වෙන්නේ නෑ..
කැලෑ තුළ සිංහ පැටවු යනුවෙන් ගීතයේ හදුන්වන්නේ රටට ලැදි පිරිසටයි.. ඉහත සදහන් කළ සිංහයන් හා සමාන හැසිරීම් ඇති පිරිසටයි. එවන් අය මේ රට හැර ගිහින් නෑ.. ඔහුන් තවමත් ඉන්නවා. මේ තුන් හෙළයේ ඔහුන් විසිරිලා ඉන්නවා.
කොටු කර යදැලින් ඇති සිංහ පැටව්
විළි වැද යති දැක හෙළයන්
යදැල ලෙස හදුන්වන්නේ යකඩ දැල් හා සමාන දෙයටයි.. ඔබ දන්නවා ඇති කූඩු කර ඇති සිංහයන් කැලෑ සිංහයන් මෙන් දරුණු නෑ. රටට ආදරය කරන හෙළයන් දකින තමන් සිංහයෙකු වුවත් සිංහ ගති නැති පිරිස් නියම හෙලයන් හමුවේ පසුබ වෙනවා..
සරු දෙරණ මකා තණ කබල කකා
සිංහයෝ සිඟති එතෙරින්
මෙම ගීතයෙන් පහර ගසන්නේ පිටරට ජීවත් වෙන ශ්‍රී ලාංකික පිරිස් වෙතටයි.මෙච්චර වටින පොළවක උපන්නත් පිට රටින් යැපෙන පිරිස් ගීතයෙන් සිඟන පිරිසකට සමාන කරනවා.
සිහ රදුනට දා‍වූ සිංහ පැටව්
තුටු වෙද අනුනගෙ ඉඳුලින්
නියම හෙලයෙකුට උපන් දරුවන් කවදාවත් මේ රට හැර යන්නේ නෑ.. ඔහුන් මේ පෝෂණය කරනවා. එවන් අය අනුන්ගේ ඉදුල් කන පිරිසක් නෙමෙයි.
අප ධජයේ ඉන්නා සිංහ පැටව්
පැනයන්නට පෙර මෙරටින්
හොදින් සිතිය යුතු පද පේලියක්.. යම් දිනක සිංහ ධජයේ සිංහයා නැති වේවිද?... රටට ආදරය කරන ජාතියක ආදරය කරන පිරිස ඒ දවසට නැති වෙන්ක පුලුවන්. ( මේ පුංචි පද පේලිය හරහා ලොකු දෙයක් කියවෙනවා..)
පිට රටුන් දොරින් දොර සිඟා නොකා
සිත අලස සුවය දුරරින්
ඉතින් එවන් දෙයක් මේ රටට වෙන්න කලින් තොපි රට රටවල හිඟා කන්නේ නැතිව ඔය කම්මැලිකම නැති කරලා වරෙන් මේ රටට රැකගනින් අපේ මේ මවුබිම..
*******
උපදින හැම ආත්මයකම මේ උතුම් මව් භූමියේ උපදින්නට මට වරම් ලැබේවා !..
ගීතය රසවිදින්න
******
මයුරපාද මිතුරෝ මෙම අඩවියෙහි පළවන ලිපි පිලිබඳ තොරතුරු ප්‍රථමයෙන් සහ ඉක්මනින් ලබාගැනීමට අපගේ නිල facebook පිටුව සමග එකතුවන්න
↪ මෙතනින් ↩
මයුරපාද මිතුරෝ සමග එක්වූ ඔබට ස්තූතියි!.
0 comments:
Post a Comment