අභිමානවත් ශිෂ්‍යභට බලකායේ ඉතිහාසය සහ වැදගත් තොරතුරු.

ජාතික ශිෂ්‍යභට බලකායේ ආදර්ශ පාථය

ශිෂ්‍යභටයා යනු පුහුණු සම්පතකි. ඔහු ඕනෑම හදිසි අවස්ථාවකට මුහුණ දීමට පුහුණු වී ඇති පුද්ගලයෙකි. එබවින් මෙම " NON QUAM NON PARATUS” යන ආදර්ශ පාථය යෙදේ.මෙම ආදර්ශ පාථයේ අරමුණ වනුයේ "සුදානම් නොවී නොසිටිනු" හෙවත් සංස්කෘත හාෂාවෙන් "නඛදාවිත් අසං‍ විහිතං‍" යන්නයි.

---------------------------

ජාතික ශිෂ්‍යභට බලකායේ දැක්ම

හෙට දිනයේ නායකත්වය සඳහා පාසල් ශිෂ්‍ය ශිෂ්‍යාවන් විනයගරුක, ජාතියේ හා දේශයේ අභිවුර්ධියට උරදිය හැකි තරුණ පරපුරක් ලෙස ගොඩනැංවීම.

--------------------------

ජාතික ශිෂ්‍යභට බලකායේ මෙහෙවර

සැලසුම් කරන ලද පුහුණු පාඨමාලාවක් තුලින් ශිෂ්‍යභටයින් තුල චරිතවත් බව , චිත්ත ධය්ර්ය, ක්‍රීඩා ශීලී බව, අත්ම විශ්වාසය, ස්වයං විනය, ප්‍රජ හැගීම්, වික්‍රමාන්විත හැගීම්, වගකීම් දැරීම, සුහදශීලී බව යන ගුණාංග වර්ධනය කර ජාතියේ සේවය සඳහා යෙදවියහැකි ඕනෑම ජීවන පැවැත්මකට නායකත්වය දිය හැකි සාරධර්ම වලින් පිරිපුන් තරුණ පරපුරක් බිහිකිරීම.

-----------------------------

ශිෂ්‍යභටයින්

වයස අවුරුදු 14-20 අතර වයසේ පසුවන රජයේ , අර්ධ රජයේ, පුද්ගලික පාසල්වල සිටින සිසු සිසුවියන් හට ජාතික ශිෂ්‍යභට බලකායේ ක්‍රියාකාරී සාමාජිකයන් ලෙස කටයුතුකළ හැක. වර්තමානයේ ශ්‍රී ලංකාව පුර විසිරී සිටින 150,000 අධික ශිෂ්‍යභටයින් පිරිසක් ජාතික ශිෂ්‍යභට බලකාය තුල පුහුණුව ලබමින් සිටී.

---------------------------------

නිල ලාංඡන 

1881 සිට 1919 දක්වා ලංකා පාබල හමුදාව යටතේ පවතී ශිෂ්‍ය භට බල ඇණියේ ලාං‍ඡනය.

1950 සිට 1972 දක්වා ලංකා ශිෂ්‍ය භට බලකායේ ලාං‍ඡනය.

ලංකා ශිෂ්‍යභට බලකාය ශ්‍රී ලංකා ශිෂ්‍යභට බලකාය බවට පත් වුවද එහි ලාං‍ඡනය නොවෙනස්ව පැවතුනි.

1919 සිට1950 දක්වා ලංකා ශිෂ්‍ය භට බල ඇණියේ ලාං‍ඡනය.

1988 සිට අද දක්වා ජාතික ශිෂ්‍ය භට බලකායේ ලාං‍ඡනය.

----------------------

9වන බලඇණිය බිහිවීම 

බ්‍රිගෙඩියර් ජස්ටස් බී රුද්‍රිගු වීඑස්වී(1991-1994)

8,9,10 බලඇණි ආරම්භ කරන ලදී.

-----------------------

ඉතිහාසය

1881 දී රාජකීය විද්‍යාලයේ විදුහල්පති ජෝන් බි කල් මහතා විසින් සරඹ කිරීම මගින් විනය වර්ධනය කිරීමේ අදහසින් ස්වෙච්චා බලකායක් ආරම්භ කරන ලදී.1902 දී ශිෂ්‍යභට බලඇණියක් ආරම්භ කර එයට පාසල් වලින් ළමුන් බදවාගෙන ඔවුන් ලංකා පාබල හමුදාව සමග අනුයුක්ත කිරීමත් සමග කල් මහතාගේ උත්සාහය ඵල දරන ලදී. එම වකවානුවේදී ස්වෙච්චා බල සේනාවේ අන දෙන නිලධාරී වරයා ක්‍රවුන් වෝල් පාබල හමුදාවේ අදිපද වරයා වූ  මේජර් එච්.ජි. මොන්ස් තුමය.

පසුව අධ්‍යාපන අධ්‍යක්ෂක බවට පත්වු මහජන උපදේශක නිලය එවකට හෙබවන ලද්දේ එස්.එම්. බාරෝස් මහතය. ඉන්පසුව රාජකීය , සාන්ත තෝමස්, වෙස්ලි, කින්ස්වූඩ්,ත්‍රිත්ව සහ රිච්මන්ඩ් විද්‍යාල වල ශිෂ්‍යභට ඛණ්ඩ පිහිටුවන ලදී. මෙම ඛණ්ඩ වලට අණ දෙන ලද්දේ ගුරුවරුන් අතරින් තෝරාගත් ස්වෙච්චා නිලධාරීන් සහ ජේෂ්ඨ සිසුන් විසින්ය. 1910 සැත්තැම්බර් මස 1 වන දින සිට බලපැවැත්වෙන පරිදි ලංකා පාබල හමුදාවේ ශිෂ්‍යභට බලඇණිය ප්‍රතිසංවිධානය කරන ලදී. ගුරුවරුන් විසින් අණදෙන ලද වයස අවුරුදු 12 සහ 16 අතර වයසේ වූ ශිෂ්‍යභට ඛණ්ඩ ආරම්භ කරනලදී.

වයස අවුරුදු 16 බවට පත්වූ ශිෂ්‍යභටයින් හට ලංකා පාබල හමුදාවේ ශිෂ්‍යභට ඛණ්ඩ වලට සම්බන්ධ විමේ  අවස්ථාව ලැබුණි එම ඛණ්ඩ වලට අණදීම කරන ලද්දේ පාබල හමුදාව විසින් නම් කරන ලද නිලධාරින්ය.
බ්‍රිගේඩියර් ජෙනරාල් ආර්බි ෆොල් විසින් 1980 දී තව දුරටත් වර්ධනය කිරීම් සිදු කරන ලදී. ලංකා ස්වෙච්චා බල සේනාවේ සෙනා විධායක වරයාගේ නියෝගය මත ශිෂ්‍යභට ඛණ්ඩ විසිරුවා හැර ජ්‍යේෂ්ඨ සහ කනිෂ්ඨ අංශ 2 න් යුත් ශිෂ්‍යභට බලඇණිය ආරම්භ කරන ලදී. බෝයර් යුද්ධයෙන් පසු දිය තලාව 1904 දී පුහුණු මධ්‍යස්ථානය බවට පත් විය.

පොලිස් ශිෂ්‍යභට ඛණ්ඩ වල සේනාවිධායක සහ නියෝජ්‍ය සෙනවිධායක තන තුරු දරන ලද්දේ ශ්‍රී ලංකා පොලිස් සංචිතයේ සෙනා විධායක සහ නියෝජ්‍ය සෙනා විධායක වරු විසින්ය.බලකායේ නිත්‍ය කාර්ය මණ්ඩලය හා පුහුණු අංශය භාර නිලධාරියා පොලිස් සංචිතය භාර පොලිස් පරීක්ෂක වරයා යටතේ කටයුතු කරන ලදී ඔහු නියෝජ්‍ය සෙනවිධායක වරයට හා සේනාවිධායක වරයට වගකිව යුතු විය.වයස අවුරුදු 18ට අඩු සිසු සිසුවියන් හට ශිෂ්‍යභට සාමාජිකත්වය ලබාගත හැකි විය. නිලධාරීන් තොරා ගනු ලද්දේ රජයේ පාසල් වල ගුරු සේවයෙනි.

ශ්‍රී ලංකාව ජන රජයක් බවට පත් වූ 1972 වසරේදී මෙම බලකාය ශ්‍රී ලංකා ශිෂ්‍යභට බලකාය බවට පත්විය. ශිෂ්‍යභාටයින් ලංකා වැවිලිකරුවන්ගේ රයිපල්  බලකාය ලංකා පාබල හමුදාව බ්‍රිතාන්‍ය සහ ඉන්දියානු රේජිමේන්තු සමග කදවුරු ගත විය. ලංකා ශිෂ්‍යභට බලඇණිය 1950 ලංකා ශිෂ්‍යභට බලකාය බවට පත් විය. ඒවම වර්ෂයේදීම මහනුවර මුලස්ථානය බවට පත්කර ගනිමින් 2 වන බලඇණිය ආරම්භ විය.පලවෙනි බලඇණියේ මුලස්ථානය කළුතරට ගෙන එන ලදී. ඇති වූ වර්ධනය සමග 1953 දී  3 වන බල ඇනියද ආරම්භ කරන ලදී .

 1981 දි ගරු අධ්‍යාපන තරුන කටයුතු හා රැකිරක්ෂා පිළිබද ඇමති විසින් ශිෂ්‍යභට බලකාය ජාතික මට්ටමේ ආයතනයක් ලෙස මධ්‍ය අධිකාරියක් යටතට පත්කරන ලදී. ඉන්පසු 1985 අංක 40 දරන පනත මගින් ශ්‍රී ලංකා ශිෂ්‍යභට බලකාය සහ පොලිස් ශිෂ්‍යභට බලකාය එක් ආයතනයක් බවට පත් කර එය මිනිස් බල උපයෝගීතා අමාත්‍යංශය යටතේ ගෙන එන ලදී. 1988 අප්‍රේල් 29 දින ජාතික ශිෂ්‍යභට බලකාය ආරම්භ කරන ලදී. මෙම උළෙලේ ප්‍රධාන ආරාධිත අමුත්තා වුයේ එවකට ජනාධිපති ධුරයය දරන ලද අතිගරු ජේ.ආර්.ජයවර්ධන මැතිතුමාය.

වැදගත් සිදුවීම් 

අතීතයේ වූ වැදගත් සිදුවීම් අතර 1962 දී  ලංකා ශිෂ්‍යභට බලකායේ නිලධාරීන් ස්වෙච්චා බල සේනාව සහ අනිකුත් නිත්‍ය එකක සමග කොලඹ වරායේ රජකාරි සදහා කැඳවන ලදී. 1964,1968,1970 පිළිවලින් 4,5,හා 6 බලඇනි ආරම්භ කරන ලදී.1971 දී රටේ විවිධ පලාත් වල සාමය සදහා නිලධාරීන් 108 දෙනෙකු සක්‍රිය සේවය සදහා කැදවන ලදී.1972 අධ්‍යාපන අමාත්‍යංශය  ආරක්ෂක අමාත්‍යංශය ව්‍යාපෘතියක් ලෙස ශ්‍රී ලංකා පොලිස් ශිෂ්‍යභට බලකාය ආරම්භ කරන ලදී. බලකාය පොලිස් සංචිතයේ කොටසක් ලෙස ක්‍රියාත්මක වන ලදී.

9වන මූලස්ථානය හා සම්බන්ධ වන්න 

9 වන බලඇණි මුලස්ථානය,
ජාතික ශිෂ්‍යභට බලකාය,
නිල්මල්ගොඩ,  කෑගල්ල.

දු.ක. 035-2222845

************

තොරතුරු - ශිෂ්‍ය භට බලකා වෙබ් අඩවියෙන්.

මයුරපාද මිතුරෝ සමග එක්වූ ඔබට ස්තූතියි!.

මයුරපාද මිතුරෝ facebook පිටුව සමග සම්බන්ධ වන්න.

https://m.facebook.com/mayurapadamithuro

Read More

ලංකාවේ දරුවෙකු පැහැරගෙන ගොස් ඝාතනය කළ ප්‍රථම සිදුවීම වූ සමන් කුමාර ඝාතනය.

අලුත් අවුරුද්දට පාසල් නිවාඩු දෙන දිනය වූයේ අප්‍රේල් 8 වැනිදායි. 14 හැවිරිදි සමන් කුමාර සිසුවා එදින උදේ පාසල් යන අතරතුර යම් කිසි පුද්ගලයකුගේ පැහැරගැනීමට ලක්විය. දින තුනකට පසුව සමන් කුමාරගේ මළ සිරුර මතුගම බෝපිටිය රබර් වතුයායේ කඳු මුදුනේ තිබී සොයා ගැනිණි.

මතුගම ධනවත් ව්‍යාපාරිකයකු ලෙස ප්‍රසිද්ධියට පත්ව සිටියේ තිලක නයන ස්ටෝර්ස් වෙළඳසල හිමි තිලකරත්න මහතාය. පිරිමි දරුවන් තිදෙනකු සහ දියණියන් දෙදෙනකුගෙන් සමන්විත එම පවුලේ බාල පුතා වූයේ සමන් කුමාරය.

1984 වර්ෂයේ දී මතුගම මධ්‍ය මහා විදුහලේ අධ්‍යාපනය හැදෑරු සමන් කුමාර අද ජීවත්ව සිටියා නම් වයස අවුරුදු 44ක පුද්ගලයෙකි. මවුපියන්ට පවුලට යෝධ ශක්තියක් වීමට සිටි දරුවෙ

                   😎 මයුරපාද මිතුරෝ 😎

එහෙත් අකාලයේ මේ දරුවාගේ ජීවිතය මිලිනව ගියේ මුදලට, ධනයට, කෑදර මනුෂ්‍ය වෙස්ගත් අමනුෂ්‍ය ම්ලේච්ඡ මිනිසකුගේ ක්‍රියා කලාපය නිසාය.

සමන්ගේ පියාගේ ව්‍යාපාරික ස්ථානය මතුගම නගරයේ පිහිටා තිබිණි. පියා මෙන් ම වැඩිමල් දරුවෝ ව්‍යාපාරික කටයුතුවල නිරත වූ අය වෙති. එම පවුලේ වැඩිමහල් පුතුගේ හිතවත් තරුණයෙක් විය.

ඔහු නමින් ධර්මසිරිය. ධර්මසිරි එම පවුලේ තවත් දරුවකු තරමට පවුලට සමීපව සිටි අයෙකි. මතුගම නගරයට ආසන්නයේ කුඩා වෙළඳසැලක් පවත්වාගෙන ගිය ධර්මසිරි ඊට අවශ්‍ය බඩු බාහිරාදිය ලබාගත්තේ් තිලකරත්න මුදලාලිගෙනි.

එම පවුලට සමීපව සිටි ධර්මසිරි ගේ යටි සිත තුළ කුරිරු අදහස් පවතින බව එම පවුලේ කිසිවකුත් දැන සිටියේ නැත. කුමන හෝ හේතුවක් මත සමන් කුමාරව පැහැරගෙන ගොස් කප්පම් මුදලක් ලබා ගැනීමට ධර්මසිරි යටි සිතින් සැළසුම් කළේ කිලකරත්න නිවසෙන් ලැබෙන ආහාර පාන සහ වෙනත් උවමනා එපාකම් භුක්ති විඳිමින්ය.

සමන් කුමාර තම ගොදුරට හසුකර ගැනීමට හේ කළ සැළසුම ක්‍රියාත්මක කරන දිනය ක්‍රමයෙන් ළඟා වෙමින් තිබිණි. ඔහු ඒ සඳහා යොදා ගත්තේ පාසල් නිවාඩු දෙන දවසයි.

😎 මයුරපාද මිතුරෝ 😎

එදින ඔහු තිලකරත්න නිවසට ගොස් පා පැදිය ඉල්ලා ගත්තේ ය. අනතුරුව ඔහු සමන් කුමාර පාසල් යාමට නිවසින් එළියට බසින තෙක් ඉවසිලි නැතිව බලා සිටියා විය හැකිය.

තමාගේ ජීවිතයට එදින මහා අනතුරක්වේ යැයි සිහිනෙකුදු නොසිතූ සමන් කුමාර පාසල් යන්නට නිවසින් පිටවිය. එසේ යන අතරතුර සමන් කුමාරගේ මාරයා වූ ධර්මසිරි ඔහු වෙත ළඟාවිය.

ධර්මසිරි බොරුවක් පවසා සමන් කුමාර බයිසිකලයට නංවාගෙන තිබිණි. පොලීිසිය පවසන්නේ සැකකරු ගැන සැකයක් නොසිතූ සමන් තම නිවසේ පා පැදියත් ධර්මසිරි අත තිබූ නිසා ඔහු කියූ දේ විශ්වාස කර පිටත්ව යන්නට ඇති බවයි.

ධර්මසිරිගේ අපරාධ සැළසුමට සහාය වූ අනෙක් පුද්ගලයා කලවාන ප්‍රදේශයේ ඔහුගේ ම මිත්‍රයෙකි. සමන් කුමාර රැගෙන එන තෙක් ඔහු මඟ බලා සිට ඇත.

බෝපිටිය කඳු මුදුනට ගිය විට දුර ඈත පළාත් කඳු වැටි මුහුද දැක ගැනීමට ලැබෙයි.

ඔවුන් සමන් කුමාරට එවැනි දේ පෙන්වීමට යැයි බොරු කියා රැගෙන යන්නට ඇති බව පොලිසියේ විශ්වාසයයි.

කෙසේ හෝ සමන් කුමාර රැගෙන එතැනට ගිය ඔවුන් ගේ හැසිරීම පිළිබඳව සැක කළ මේ අහිංසක දරුවා ඔවුන්ගෙන් බේරී පලා යාමට උත්සාහ කර ඇත.

එහෙත් තරුණයන් දෙදෙනකු සමඟ සටන් කර එතැනින් පලා යාමට මෙවැනි දරුවකුට හැකියාවක් නැත. සමන්ගේ අත් පා ගැටගැසූ ධර්මසිරි සහ සෙසු තරුණයා සමන් කුමාරගේ මේස් ගලවා කටේ ඔබා තිබිණි.

අනතුරුව මිතුරා එහි නවතා මතුගමට පැමිණ ඇති වීරසිරි ඔහුගේ අත් අකුරින් සමන් කුමාර පැහැර ගත් බවත් රුපියල් ලක්ෂ එකහමාරක් දුන්නොත් ඔහු නිදහස් කරන බවට ලිපියක් ලියා තිලකරත්න මහතාගේ ව්‍යාපාරික ස්ථානයට යවා තිබේ.

එම ලිපිය දුටු තිලකරත්න මහතා එය විහිළුවක් යැයි සිතා කොයිදේටත් පුතා පාසලට පැමිණියේ දැයි සොයා බැලීය.

😎 මයුරපාද මිතුරෝ 😎

ඒ වන විට වෙලාව දහවල් 12.30 ට පමණ විය. සමන් කුමාර පාසලට පැමිණ තිබුණේ නැත. තිලකරත්න මහතාත්, හිතවතුන්, පවුලේ උදවිය, ගම්වාසීන් සියලු දෙනාම එක්ව සමන් කුමාර සෙවීමට පටන් ගත්හ. ඒ අතර ධර්මසිරි ද පැමිණ සමන් කුමාර සෙවීමේ කටයුතුවල නිරත විය.

පස්වරුවේ යළිත් දුරකතන ඇමතුමක් මගින් කප්පම් මුදල් ඉල්ලා . පොලීිසියට කිවහොත් දරුවා මරණ බවට ද තර්ජනය කර තිබිණි.

දවසක් දෙකක් ගතවිය. එහෙත් දරුවා පිළිබඳ තොරතුරක් නොවීය. සමන් කුමාර පැහැර ගත් ධර්මසිරි රැවුල වවාගෙන සිටි අයෙකි. එහෙත් සමන් පැහැරගත් දින දහවල් ඔහු රැවුල සම්පූර්ණයෙන් ම කපා දමා ඔහුගේ පෙනුම ද වෙනස් කර ඇත.

තිලකරත්න මහතා ඍජුවම පවසා සිටියේ තම පුතා පැහැරගෙන යන්නට ඇත්තේ තම පවුලට හිතවත් අයකු විසින් බවය. ඊට හේතුව සමන් කුමාර පවුලේ හෝ පවුලට හිතවත් අයකු සමඟ මිස නාඳුනන අයකු සමඟ කතා බහ නොකරන දරුවකු නිසාය.

දැන් මතුගම ප්‍රදේශයම සමන් කුමාරගේ අතුරුදන්වීමෙන් කැළඹීමට පත්ව ඇත. මේ අතර එක් කුඩා පාසල් සිසුවියක පවසා තිබුණේ යම් පුද්ගලයකු සමන් කුමාර බයිසිකලයක තබාගෙන යන බව තමා දුටු බවයි.

මතුගම පොලීිසියේ ස්ථානාධිපතිවරයා ලෙස එවකට කටයුතු කළේ බරණගල මහතාය. පොලිස් පරීක්ෂක ඉන්දු කරුණාරත්න මහතා අපරාධ අංශයේ ස්ථානාධිපතිවරයා ලෙස කටයුතු කළේය.

පොලීසිය කණ්ඩායම් කීපයක් යොදා සමන් කුමාරගේ අතුරුදන්වීම පිළිබඳව ඒ වන විට පරීක්ෂණ ආරම්භකර තිබිණි. ඉහත කී පාසල් දැරියගේ ප්‍රකාශය කෙරෙහි ද පොලීිසිය දැඩි අවධානය යොමු වී තිබිණි.

😎 මයුරපාද මිතුරෝ 😎

දවස දෙක ගෙවී යද්දී නැවත නැවතත් කප්පම් මුදල් ඉල්ලා ලැබෙන ඇමතුම් සහ ලිපි ද වැඩි වෙන්නට විය. “දරුවා දීපන්; දරුවා නැතුව කොහොමද සල්ලි දෙන්නේ?

තිලකරත්න මුදලාලි ගෙන් දුරකථන ඇමතුම්වලට ලැබුණ පිළිතුර විය. තවත් අවස්ථාවක ඔහු ගේ පිළිතුර වූයේ කප්පම්කාරයන්ට දරුවා වෙනුවෙන් තමා සතයක්වත් නොදෙන බවයි.

සමන්ගේ පවුලේ ඥාතීන් සමඟ එක්ව සමන් සෙවීමේ කටයුතුවල නිරතව සිටි සමන්ගේ මාරයා වූ ධර්මසිරි පිළිබඳව සැකය ඇති වූයේ කරුණු කාරණා ගණනාවක් හේතු කොටගෙනය. පොලිස් පරීක්ෂකවරුන් වන බරණගල, ඉන්දු කරුණාරත්න මහත්වරුන්ගේ සැකය ස්ථිර කරමින් අත්අඩංගුවට පත් ධර්මසිරි සමන් කුමාරගේ පැහැරගැනීමේ තොරතුරු වැමෑරුවේය.

සමන් කුමාර පැහැර ගෙන ගිය ස්ථානය වූ බෝපිටිය කඳු මුදුනට ගිය විට පොලීිසියටත් දහස් සංඛ්‍යාත ජනතාවටත් දැක ගැනීමට ලැබුණේ ඒ අහිංසක දරුවා අමානුෂික ලෙස ඝාතනය කර තිබූ ආකාරයයි.

සමන්ගේ සපත්තුවේ ලේස් පටියෙන් ගෙල හිර කර මරා දමා තිබිණි. ඒවන විටත් ඔහු මරා දින තුන ඉක්ම වී තිබූ බව පෙනී ගිය අතර සැකකාර සමන් කුමාර ඝාතනය කර තිබුණේ පැහැරගෙන ගිය දිනයේදීමය.

දරුවා ඝාතනය කර ඊට පසු මොහු කප්පම් ඉල්ලීම සිදුකර තිබිණි. කප්පම් දුන්නත් තිලකරත්න මුදලාලිට ලැබෙන්නට සමන් ඒ වන විටත් ජීවතුන් අතර සිටියේ නැත.

දිවයිනේ දරුවකු පැහැර ගෙන ගොස් ඝාතනය කළ ප්‍රථම සිද්ධිය වූ සමන කුමාර ඝාතන සිද්ධියෙන් මතුගම කළුතර ප්‍රදේශ පමණක් නොව මුළු රටම කම්පා වූහ.

සමන් කුමාර නැමැති නම ගැසූ තිලකරත්න මහතාගේ ලොරියෙන් ම තම පුතුගේ මළ සිරුර බොරැල්ල මෘත ශරීරාගාරය වෙත ගෙන එද්දී දහස් සංඛ්‍යාත ජනතාව මග දෙපස රැදී සිටියහ.

😎 මයුරපාද මිතුරෝ 😎

අපරාධකරුවා දැක බලා ගැනීමට මතුගම උසාවිය අසලට මහ සෙනග එක් රොක් වී සිටියහ.

ළමාවිය ද නොයික්ම වු මේ අහිංසක දරුවාගේ වියෝවෙන් පියා, මව, ඇතුළු සොයුරි සොයුරියන් දැඩි කම්පාවටත් පීඩනයටත් පත්වූහ.

සාක්කිකරුවන් 35 දෙනකුගෙන් සාක්කි විමසනු ලැබිණි. සමන් කුමාර ඝාතනය කිරීමේ අපරාධ චෝදනාවට වැරදිකරු වූ ධර්මසිරි එල්ලුම් ගසට නියම විය.

අහිංසක දරුවකුට අමානුෂික වධ හිංසා පමුණුවා ඝාතනය කළ මේ අපරාධකරුට විසි වසරකට පසු සමාව ලැබුණි. 

මේ සම්බන්ධව ලියවුණු ඇන්ටන් ජොන්ස් මහතා ගායනා කරන ගීතය මෙතනින් අහන්න.↴

https://m.youtube.com/watch?v=75Q6b7sqmWI

************

මයුරපාද මිතුරෝ සමග එක්වූ ඔබට ස්තූතියි!.

Read More

අපි එගොඩ මෙගොඩ යන මාවනැල්ල ගඩොල් පාලමේ ඉතිහාසය

අද ලිපියෙන් කතා කරන්නට බලාපොරොත්තු වෙන්නේ මාවනැල්ල ගඩොල් පාලම ගැන. කොළඹ නුවර පාරේ හැමදාම මගේ එහා මෙහා ගියපු ඔබට මේ ලිපිය වැදගත් වේවි කියලා අපි හිතනවා...


අද අප රටේ ප‍්‍රචලිතව පවතින නූතන පාලම් තාක්‍ෂණයේ මූලාරම්භය සිදුවී ඇත්තේ බි‍්‍රතාන්‍යය යුගයේදියි. විදේශියයන් අප රටට පැමිණෙන්නට ප‍්‍රථම අපට අපේම කියා පාලම් තාක්‍ෂණයක් තිබුණා. එහෙත් වැවිලි කර්මාන්තය පදනම් කරගත් බි‍්‍රතාන්‍යයන්ගේ ආර්ථිකය නඟා සිටුවන්නට නම් ක‍්‍රමවත් වූ මාර්ග පද්ධතියක් අවශ්‍ය වුණා. ඒ හා සමග ගිරි දුර්ග, ජල දුර්ග තරණයට පාලම් ඉදිකිරීම ද අත්‍යවශ්‍ය කාරණාවක් වුණා. ඒ අනුව බි‍්‍රතාන්‍යයන් සිය රටේ වූ පාලම් තාක්‍ෂණය මෙරටට හඳුන්වා දුන්නා.

 අපේ රටේ පාලම් ඉදිකිරීමේ කටයුතු රාජකීය ඉංජිනේරු දෙපාර්තමේන්තුවේ අධීක්‍ෂණය යටතේ සිදු කෙරුණු අතර ඒ සඳහා මේජර් තෝමස් ස්කිනර්, ලුතිනන් ජනරාල් ජෝන් ෆ‍්‍රසර්, කපිතාන් ගෝඩන්, කපිතාන් ඒ. බ‍්‍රව්න් සහ කපිතාන් ග‍්‍රැහැම් ප‍්‍රමුඛත්වය ගෙන කටයුතු කර තිබෙනවා.බි‍්‍රතාන්‍ය ජාතිකයන් විසින් මෙරට ඉදිකරන ලද පාලම් අතරින් මුල්ම පාලම් පහම ඉදිවුණේ කොළඹ – මහනුවර මහා මාර්ගයේයි.

😎 මයුරපාද මිතුරෝ 😎

උඩරට වතු නිෂ්පාදන කාර්යක්‍ෂම ලෙස කොළඹ වරාය කරා ප‍්‍රවාහනය කිරීමට අවශ්‍ය පසුබිම සකසා ගැනීම මෙහි ප‍්‍රධාන අරමුණ වුණා.මෙසේ ඉදිකරන ලද පැරණිම පාලම් අතරින් අද ඉතිරිව තිබෙන්නේ පාලම් දෙකක් පමණයි. එනම් පිළිමතලාව නානුඔය පාලම සහ මාවනැල්ල පාලමයි. මීට අමතරව දෙවැනිවරට ඉදිකරන ලද පේරාදෙණිය පාලමද දැනට ඉතිරිව ඇති තවත් පැරණි පාලමක් ලෙසින් හඳුන්වන්න පුළුවනි. බි‍්‍රතාන්‍ය ජාතිකයන් මෙරටට මුලින්ම හඳුන්වා දෙන ලද්දේ ගල් සහ ගඩොල් උපයෝගී කරගෙන ඉදිකෙරුණු ආරුක්කු පාලම්ය.

1822 දී නුවර පාරේ 59 වැනි සැතපුමේදී ශී‍්‍ර ලංකාවේ මුල්ම ආරුක්කු පාලම බිහිවුණා. ‘ගෝඩන් පාලම’ නම් වූ එම පාලම, කැප්ටන් ගෝඩන් විසින් සැලසුම් කරන ලද්දකි.දැනට නුවර පාරේ දැකිය හැකි පැරණිම (එමෙන්ම දැනට ඉතිරිව ඇති බි‍්‍රතාන්‍ය යුගයට අයත් පැරණිම) පාලම වන්නේ පිළිමලාව මහාමාර්ග කෞතුකාගාරය අසල ඇති නානුඔය පාලමයි. දැනට භාවිතයට නොගන්නා මෙම පාලම 1826 දී කැප්ටන් බ‍්‍රව්න් විසින් නිර්මාණය කරන ලද්දක්. මීටර් 8 ක් දිගැති ආරුක්කු තුනකින් සැදි මේ පාලමේ මුළු දිග මීටර් 28 ක් වෙනවා.

                     😎 මයුරපාද මිතුරෝ 😎

නානුඔය පාලම ඉදිකිරීමෙන් අනතුරුව ඉදිකරන ලද මාවනැල්ල පාලම ද, කැප්ටන් බ‍්‍රව්න්ගේම නිර්මාණයකි. මහඔය හරහා ඉදිකර ඇති මෙම පාලම, දැනට ලංකාවේ භාවිතයට ගැනෙන පැරණිම පාලමයි. දිගින් මීටර 70 ක් පමණ වන මෙම පාලම විශාල ප‍්‍රමාණයේ ආරුක්කු හතරකින් සමන්විතයි

ක්‍රි.ව1821 දී සර් එඩ්වඩ් බාන්ස් ආණ්ඩුකාරවරයාගේ සමයෙහි කොළඹ මහනුවර මාර්ගය නිර්මාණය කිරීමෙන් පසුව මා ඔය හරහා මෙම විශාල ආරක්කු සහිත දිගම හා විශාලතම ගඩොල් පාලම ඉදිවිය.මෙම ආරැක්කු පාලම කොලඹ මහනුවර මාර්ගයේ ඇති දිගම හා විශාලතම ගඩොල් පාලම වේ. ඒ නිසා මෙය පෞරාණික වස්තුවක් වශයෙන් ද ඵෙතිහාසික වශයෙන් ද ඉතා වැදගත් වේ.

                   😎 මයුරපාද මිතුරෝ 😎

ඉංග්‍රිසි වතුකාරයින්ගේ ගමන් බිමන්වලට ද ⁣බොහෝ ප්‍රවාහන කටයුතු සදහා ද අශ්ව කරත්ත භාවිත කරනු ලැබිණි. එම අශ්වයන් ගාල් කරන ලද අශ්ව ගාල පිහිටුවා තිබී ඇත්තේ ද මාවනැල්ල ඔය අද්දරය.

මාන නදිය අසල වූ කඩා කඳු ගැටය මත ඉංග්‍රිසීන්ගේ නවාතැන් සදහා තානායමක් ඉදිකර තිබුණි. එහි පසුකාලීනව මාවනැල්ල ජනතාවගේ පරිපාලනමය කටයුතු ඉටු කරන මාවනනැල්ල ප්‍රාදේශීය ලේකම් කාර්යාලය පිහිටුවා ඇත.

***********

තවත් කෙනෙකුට දකින්න share කරන්න .

ලිපිය සම්බන්ධ ඔබගේ අදහස් comment කරන්න.

තවත් මේ වගේ ලිපි බලන්න මයුරපාද මිතුරෝ facebook පිටුවට Like කරලා එකතු වෙන්න.

https://m.facebook.com/mayurapadamithuro

මයුරපාද මිතුරෝ සමග එක්වූ ඔබට ස්තූතියි!.

Read More

කැප්ටන් ඩෝසන් මහතා සහ මාවනැල්ල මයුරපාදයේ යටගිය සම්බන්ධය. පාසල් ඉතිහාසයේ තොරතුරු

මාවනැල්ල මයුරපාදයේ ඉතා වැදගත් තොරතුරු කිහිපයක් ඔබට ලබාදෙන්න තමයි හදන්නේ... මීට පෙරත් අපි ඔබ වෙනුවෙන් පාසල් ඉතිහාසය ගැන තොරතුරු කිහිපයක් කතා කලා.

මෙම ලිපියෙන් මාවනැල්ල මයුරපාදය බිහිවීම සහ තවත් තොරතුරු කිහිපයක් සමගින් කොළඹ නුවර මාර්ගය ඉදිකිරීම , කැප්ටන් ඩෝසන් මහතා හා ඒ මහතා වෙනුවෙන් නිර්මාණය කරපු ඩෝසන් කුලුන ගැනත් අපි කතා කරන්න බලාපොරොත්තු වෙනවා. 

මාවනැල්ල මයුරපාදය බිහිවීම. 

ඊ. එවොන්ස් මහතාගේ විශ්ලේෂණයට  1969 වසරේ "ANGLO VERNCULAR BOYS SCHOOL" යන නමින් ආරම්භ කරා කියලා සැලකෙන මාවනැල්ල මයුරපාදය කොළඹ නුවර මාර්ගයේ වැඩ කරපු  කැප්ටන් ඩෝසන් සහ ඔහුගේ කාර්ය මණ්ඩලයේ දූ දරුවන් වෙනුවෙන් කරපු ඉදිකිරීමක්.

පාසලේ හෙඩ් ටීචර් ලෙස එංගල්තිනා පෙරේරා මුල් ගුරු තනතුරේ වැඩ භාර ගනිමින් ගැහැණු ළමයින් හත් දෙනෙකුගෙන් ගැහැණු පාසලක් ලෙස  ආරම්භ කර ඇති අතර ඉතා කෙටි කාලයක් තුළ ළමුන් සංඛ්‍යාව වර්ධනය වී ඇත.

😎 මයුරපාද මිතුරෝ 😎

පාසල ජේ්‍යෂ්ඨ පාසලක් බවට පත්වූ මුල් කාලයේ පාසල් පාඨය ලෙස යොදාගත් "ආපදාන සෝභිනී පඤ්ඤා" (ප්‍රඥාව චරිතය සෝභමාන වේ) අදටත් එලෙසම භාවිතා කරනවා.

කාලයත් එක්ක කණිෂ්ඨ විද්‍යාලයක් විදිහටත් සහ  ජ්‍යෙෂ්ඨ පාඨශාලාවක් විදිහටත් දියුණු වූ පාසල 1976 වසර වන විට කණිෂ්ඨ හා ජ්‍යෙෂ්ඨ යනුවෙන් විද්‍යාල දෙකක් පැවති මෙය විද්‍යාල දෙක ඒකාබද්ධ  විද්‍යා ස්ථානයක් බවට පත් කළ අතර 1979 අගෝස්තු මාසයේදී මයුරපාද මහා විද්‍යාලය ලෙසද 1996 වර්ෂයේදී මයුරපාද ජාතික පාසල ලෙසද උසස් වීම් ලබාගෙන තියෙනවා..

ඒ වගේම පාසල් නාමයවන "මයුරපාද" යන්න මයුරපාද බුද්ධපුත්‍ර හිමියන්ගේ නාමයටත්, මයුරපාද පිරිවෙනටත් උපහාරයක් විදිහට යෙදුවාලු.

------------

කවුද මේ කැප්ටන් ඩෝසන් ??....මේ ඒ පිළිබඳ විස්තර..

කැප්ටන් ඩෝසන් සහ කොළඹ නුවර මාර්ගය ඉදිකිරීම. 

බ්‍රිතාන්‍යයන් විසින් මෙරට ඉදිකල මුල්ම මහා මාර්ගය වූ, කොළඹ-මහනුවර මාර්ගයේ වැඩ කටයුතු 1820 වර්ෂයේදී ආරම්භ කරා. මේ මාර්ගය නිර්මාණයට ඉතා අසීරු වෙලා තියෙනවා. මේ මාර්ගයේ සම්පූර්ණ වැඩ භාරව කටයුතු  කරලා තියෙන්නේ කැප්ටන් ඩෝසන් කියන ඉන්ජිනේරුවා. මාර්ගය නිර්මාණය කරනකොට කදු , හෙල් , දිය පාරවල් වගේම දැවැන්ත ගල් පර්වත වන සතුන් සමගම මැලේරියා රෝගයත් එදා තිබුනලු.

කැප්ටන් ඩෝසන් මහතා.

1817 - 18 කැරැල්ලෙන් පස්සේ උඩරට රාජධානිය මුලු මුළුමනින්ම අත්පත් කරගෙන මහනුවර සහ කොළඹ අතර සමීප සම්බන්ධයක් ගොඩනගන්න ඉංශ්‍රීසින්ට උවමනා උනා. මොකද ඇතිවිය හැකි කැරැල්ලකට ඉක්මනින් යුධ හමුදාව යවන්නට පහසුවක් සහ ප්‍රභූ පිරිස්ටද ඉක්මනින් යාමට සහ ඒමට ඒක පහසුවක් වගේ හේතු නිසා. ඉතින් ඒකට කොළඹ නුවර මාර්ගය නිර්මාණය කරන්න තීරනය උනා.

                       😎 මයුරපාද මිතුරෝ 😎

ඊට කලින් නුවරට යන්න යොදාගත්තු පාරවල් ඉතාමත් දුෂ්කර සහ යන්නට ලොකු කාලයකුත් ගතවුනාලු.

මාර්ගය ඉදිකිරීම අතරතුර රෝගාතුර වෙච්චි කැප්ටන් ඩෝසන් මහතා නැතවත් එංගලන්තයට ගොස් නැවතත් සුවය ලබලා 1822 දී ආයෙත් ලංකාවට ආවා.

කොහොම හරි මාර්ගයේ ඉදිකිරීම් ආරම්භ වී වැඩකටයුතු දිගටම කෙරීගෙන ගියත් අවාසනාවකට වගේ මාර්ගය සම්පූර්ණ කිරීමට පෙර, කැප්ටන් ඩෝසන් හදිසියේ අසනීප වීම නිසා ඔහුට ප්‍රතිකාර කරනු කරන්න කොළඹට රැගෙන යනවා. නමුත් මාර්තු 28 වැනි දිනක කොළඹදී කැප්ටන් ඩෝසන් අභවප්‍රාප්ත වෙනවා, ඔහුගේ මරණය විෂ සහිත සර්පයෙකුගේ දශ්ඨ කිරීමක් නිසා සිදුවන්නට ඇතැයි විශ්වාස කරනවා.

කුළුණ සහ මාර්ගයේ පැරැණි චායාරූපයක්.

කොළඹ නුවර මේ මාර්ගය ඉදිකරනකොට ගොඩක් සර්පයන් හම්බ උනාලු. ඉතින් මේ ඉදිකිරීම්දී ගොඩක් සර්පයන් මරන්න උනාලු. ඉතින් එහෙම හිටපු සර්පයකු ඩෝසන් මහතාට  දශ්ඨ කරා කියලා තමයි කියන්නේ.

😎 මයුරපාද මිතුරෝ 😎

ඩෝසන් කුළුණ ඉදිකිරීම.

ඉතින් මාර්ගය ඉදිකිරීමේදී කැප්ටන් ඩෝසන් විසින් සිදුකරන ලද කැපකිරීම් ඇගයීමකට ලක්කල යුතු යැයි හිතපු ඔහුගේ මිතුරෝ පිරිසක්, ඊට අදාල යෝජනාවක් එවක ආණ්ඩුකාරවරයා වෙතට ඉදිරිපත් කිරීමට කටයුතු කරන කරා. කැප්ටන් ඩෝසන් විසින් මාර්ගය ඉදිකරන කාලයේ සිටි බාන්ස් ආණ්ඩුකාරවරයා ඒ වන විට නික්ම ගොස් සිටියත්, ඉන් පසුව පැමිණි සර් රොබට් හොර්ටන් (Sir Robert Horton) ආණ්ඩුකාරවරයා, කැප්ටන් ඩෝසන් විසින් සිදු කරන ලද වටිනා සේවය දැකහඳුනාගනිමින්, ඉදිරිපත් කරන ලද එම යෝජනාවට අනුමැතිය ලබා දුන්නා.

මේ අනූව වැඩකටයුතු සිද්ධවෙමින්, කැප්ටන් ඩෝසන් වෙනුවෙන් ඉදිකරනා ස්මාරකය, කඩුගන්නාව ගල බිඳි ස්ථානයට (කපොල්ල) ආසන්නව පිහිටුවීමට සැලසුම් කර ඊට මුල් ගල තැබීම, එංගලන්තයේ වෙලින්ටන් ආදිපාදිවරයා අනුස්මරණය කරන්නට ලන්ඩනයේ හයිඩ් පාක්හී හදපු කුළුණට මුල් ගල තියපු දවසේම කරා. ඉදිකර නිමකරනු ලැබූ ඩෝසන් කුළුණෙහි උස, ලන්ඩන් වෙලින්ටන් කුළුණේ උසට (අඩි 200) සමානවම හදලා තියෙනවාලු.

😎 මයුරපාද මිතුරෝ 😎

*******

ඔබ සතුව මෙවන් තොරතුරු ඇතිනම් මයුරපාද මිතුරෝ වෙත ලබාදෙන්න...

*******

මයුරපාද මිතුරෝ මෙම අඩවියෙහි පළවන ලිපි පිලිබඳ තොරතුරු ප්‍රථමයෙන් සහ ඉක්මනින් ලබාගැනීමට අපගේ නිල facebook පිටුව සමග එකතුවන්න

 ↪ මෙතනින්  ↩

මෙම ලිපිය ගැන ඔබේ අදහස් comment කරන්න.
තවත් කෙනෙකුට දකින්න share කරන්න..

මයුරපාද මිතුරෝ සමග එක්වූ ඔබට ස්තූතියි!.

Read More

සිංහල සින්දු කියන නළලේ තිලක තියන කිරිල්ලියේ ගීතය ලියවුණු හැටි.

මේ ගීතය සියයට සියයක් සත්‍ය සිදුවීමක් ඇසුරිනි  ලියවුණු ගීතයක් තමයි.

ගුණදාස කපුගේ මහත්තයා ඒ කාලේ තිබුනු මාසික සගරාවක කියව කියව ඉන්නකොට සගරාවේ තියෙන එක්තරා ලිපියකට එතුමට හිත යනවා.. ලිපිය කියවලා ඉවර උනු ගමන්ම එතුමා රත්න ශ්‍රී විජේසිංහ මහතාට දුරකථන ඇමතුමක් අරන් කියනවා කොහොම හරි මේ සගරාව අරන් ලිපිය කියවන්න කියලා.

රත්න ශ්‍රී විජේසිංහ මහතා 

කපුගේ මහත්තයාට ඕන කරනවා ලිපියේ තියෙන දේ ගැන ගීතයක් හදන්න ඒකයි තමන්ගේ මිතුරා රත්න ශ්‍රී විජේසිංහ මහත්තයාට ඒ වෙලේම කතා කරන්නේ.

"1992 වසරේ රෑ 7ට විතර තමයි මේ විදිහට දුරකථන ඇමතුම ගන්නේ"

ගුනදාද මහතාට මෙච්චර හිතගිය ඒ කතාව තමයි දැන් කියන්න හදන්නේ.

ඇය කබුරුපිටියේ කාන්තාවන්. නම *විනීතා සමරසිංහ ගුණසේකර*. ඇය පොලිස් සේවයට බැදෙන්නේ කාන්තා පොලිස් නිලදාරිනියක් විදිහටයි. ඇය මිරිහානේ සහ කිරුලපන පොලිස් ස්ථාන දෙකේම සේවය කරනවා.

😎😎මයුරපාද මිතුරෝ බිලොග් අඩවිය😎😎

කිරුලපන පොලිස් ස්ථානයේදි හම්බවෙනවා උතුරු ප්‍රදේශයේ ඉදලා ආපු පොලිස් නිලධාරීයෙක්. එයාගේ නම තමයි නඩේෂන්. මේ දෙන්නා අතර ටික කාලයක් යනකොට පෙම් සම්බන්ධයක් පටන් ගන්නවා.

එතකොට යුද්ධය පටන් අරගෙන. යුද්ධය පටන්ගත්ත කාලෙක මේ වගේ සම්බන්ධයකට පවුලේ අය අකමැති වෙන එක පුදුම වෙන්න දෙයක් නෙමෙයිනේ. ඒ විදිහට පවුල් දෙකෙන්ම අකමැති උනත් දෙන්නා විවාහ වෙනවා, 83 කැරැල්ල පටන් අරන් ටික කාලෙකින් නඩේෂන් පොලිස් සේවයෙන් ඉවත් වෙලා තමන්ගේ මේ සිංහල බිරිඳ එක්ක තමන්ගේ මවු ගමට ඒ කියන්නේ උතුරුකරට යනවා.

දරුවන් පවා ලබන මේ දෙන්න‍ෙ පසු කාලයක කොටි සංවිධානයේ ඉහල නිලධාරීන් දෙදෙනෙක් වෙනවා. මේ සිංහල කාන්තාව කාන්තා කොටි කංඩායමක නායිකාව වෙනවලු.

කොහොම උනත් අවසන් සටනේදී මේ දෙන්නම පුදුකුඩුඉරිප්පුවේදී මැරුණා කියලා තමයි කියන්නේ. 

"කතාව කෙටියෙන් ඔහොමයි"

දැන් ගීතය ගැන ටිකක් බලමු

*සිංහල සින්දු කියන
නළලේ තිලක තියන කිරිල්ලියේ
තුඩින් හදවතක් අරගෙන
ගිනිගත් තල අරඹට ආවදෝ ඉගිල්ලී*

[[ඇය කියන්නේ සිංහල සිංදු , මොකද ඇය දෙමළ දන්නේ නෑ. ඒ උනාට මේ සිංහල කාන්තාව නලලේ තිලක තියනවා. නමුත් මේ සිංහල කාන්තාව ජාතිවාදයෙන් ගිනිගන්න තල් අරඹට ඒ කියන්නේ උතුරුකරයට ආවලු]]

*දිව නුහුරු බසින් පෙම් කවි කී කුරුල්ලට වශී වී
ගිනි මලින් තැනූ මල් පොකුරක් අතට ගත්ත මනාලී
මධුසමේ මදුර කටු අතරේ පිපී වැනුන සුරූපී*

[[මේ තරුණයා දන්නේ දෙමළ විතරයි තරුණිය දන්නේ සිංහල විතරයි, ඉතින් මේ දෙන්නට දෙන්නාම කියපු පෙම් කතා හරිහැටි තේරුනේ නෑ. නමුත් ආදරය නිසා ඇය ඔහුට වශී වෙනවාලු.  වෙන මනාලියන්ට මංගල දිනයට ලැබෙන්නේ ලස්සන මල්වලින් හදපු මල් පොකුරක්, නමුත් ඇයට ලැබෙන්නේ ගිනි මලින් හදපු මල් පොකුරක්. මනාලියකගේ මදුසමය හරිම සුන්දරයි, නමුත් ඇගේ මදුසමය මහා කටු ගොඩක්. නමුත් ඒ කටු අතරින් මේ මල ලස්සනට හිනහුනා]]

*ගිනි අවිත් එක්ක පෙමින් බදුන ව්හඟ සෙනග හාඩාවී
ඒ කඳුළු සිංහලට නගන්න නුඹට හැකිය ප්‍රියාවී
ආදරය නුඹට බාරයි රැක ගනින් දේවතාවී*

[[ ගිනි අවිය නිසා මේ යුද්ධය නිසා මිනිස්සු පීඩා විදිනවා, ඒ උතුරුකරයේ ඉන්න මිනිස්සුන්ගේ අඩන කදුලු ඔයාට සිංහලයට හරවන්න පුලුවන් , මේ ආදරය උබට අයිති දෙයක් අමාරුවෙන් ලබාගත්ත දෙයක් ඒ ආදරය ඔබට බාරයි එය සදා රැකගන්න]]

විශාරද ගුණදාස කපුගේ මහතා.

       😎😎මයුරපාද මිතුරෝ බිලොග් අඩවිය😎😎

ගීතයේ අරුත එහෙම ඉවර කරන කොට තවත් ගීතයට සම්බන්න රසවත් කතා කිහිපයක් කියන්නම්.

1,සාම කාලයේදී පත්තර වාර්තා කරුවෙක් නඩේෂන් හම්බවෙල‍ෙ කීවලු ඔයාලා ගැන ගීතයක් ලියවිලා තියෙනවා ඒක දකුනේ හරිම ප්‍රසිද්ධයි කියලා, ඉතින් නඩේෂන් මේ වාර්තා කරුවාව පොරොන්දු කරගෙන තියෙනවා මේ ගීතය ඇතුලත් කපුගේ මහත්තයාගේ ගීත තැටිය ගෙන්නගන්න. කොහොම හරි ඒ දවසට පහුවදාම මේ ගීත තැටිය ඔහුට ලැබුනාලු. එයා කියලා තියෙනවා ඒ ගීතය පුංචි දුවට කටපාඩම් කියලා.

2, දවසක් ගීතය ලියපු රත්න ශ්‍රී විජේසිංහ මහත්තයා ගිහින් තියෙනවා දේශනාවක් කරන්න කබුරුපිටිය පැත්තේ පාසලකට දේශනාව කරන අතරේ මේ ගීතය හැදුනු හැටි හැන මෙයා විස්තර කරනකොට කාන්තාවක් කලබලයෙන් එලියට ගිහින් කෙල ගැහුවලු. 

ලග හිටපු කෙනෙක්ගෙන් අහපුවාම කීවලු ඒ විනිතාගේ නංගි කියලා,  රත්න ශ්‍රී විජේසිංහ මහත්තයා එක්තරා දේශනයකදී කියනවා, මේ දෙන්නා විවාහ උනාට පස්සේ මේ විනීතාගේ පවුලේ අය ඇය මැරුණා කියලා හිතාගෙන ඒ කාලේ දානෙකුත් දුන්නාලු කියලා.

*මේ ගීතය, කපුගේ මහත්මයාගේ "ඉරබටු තරුව" සීඩි තැටියේ ගීතයක්.*

සිංහල සින්දු කියන
නළලේ තිලක තියන කිරිල්ලි
තුඩින් හදවතක් අරගෙන
ගිනිගත් තල අරඹට ආවදෝ ඉගිල්ලී

දිව නුහුරු බසින් පෙම් කවි කී කුරුල්ලට වශී වී
ගිනි මලින් තැනූ මල් පොකුරක් අතට ගත්ත මනාලී
මධුසමේ මදුර කටු අතරේ පිපී වැනුන සුරූපී

ගිනි අවිත් එක්ක පෙමින් බදුන ව්හඟ සෙනග හාඩාවී
ඒ කඳුළු සිංහලට නගන්න නුඹට හැකිය ප්‍රියාවී
ආදරය නුඹට බාරයි රැක ගනින් දේවතාවී
----------------------------------------------------------------------------------
පද රචනය - රත්න ශ්‍රී විජේසිංහ
සංගීතය     - විශාරද ගුණදාස කපුගේ
ගායනය     - විශාරද ගුණදාස කපුගේ

ඔබේ අදහස් comment කරන්න.

තවත් කෙනෙකුට දකින්න share කරන්න.

මයුරපාද මිතුරෝ සමග එක්වූ ඔබට ස්තූතියි!

Read More

දුවේ නුඹ මගෙ ප්‍රාණයයි ගීතය ලියවුණු හැටි දැනගන්න ලිපිය කියවන්න.

ඔබ දියනියක් හෝ දියනියක් සිටින පියෙකු නම් අනිවාර්යයෙන් කියවිය යුතු ලිපියක් තමයි අද අරගෙන ආවේ..

බංඩාර ඇහැලියගොඩ මහතාගේ DSI ආයතනයේ සේවය කරන මිතුරෙකු දියනිය විවාහයෙන් දින කිහිපයකට පසු බංඩාර මහතා හම්බවෙන්න ආවලු, ඇවිත් කීවලු මගේ දුවගේ මගුල් දව‍සේ ගීත වගයක් දැම්මා හැබැයි මට නම් ඒ ගීතවලින් දුව ගැන කිසිම හැගීමක් ඇති උණේ නෑ කියලා. ඒ වගේම එයා ඇහුවලු දුව ගැන හිතට දැනෙන ගීතයත් ලියන්න බැරිද අපිට කියලා.

අන්න ඒ කාරනාව නිසා තමයි මේ සොදුරු ගීතය. ලියවෙන්නේ....

ගීතය ලියන්න තීරනය කරනකොට බංඩාර මහතාට හිතුනාලු දියනියකට පියෙකු විදිහට අවවාදයක් දෙන්න සුදුසුම වෙලාව තමයි මේක කියලා. 

දුවේ නුඹ මගෙ ප්‍රාණයයි
සැබෑ වුණ සුබ සිහිනයයි
සෙනෙහසින් කුලගෙට පියනගන්නේ
සනුහරේ අභිමානයයි //

[[දියනියක් යනු පරපුරක අභිමානයක්. තාත්තා කෙනෙකුගේ ආදරය වැඩිපුර ලැබෙන්නේ දියනියකට. ගීතයෙන් තාත්තාගේ පණට දියනිය සමාන කරන්නේ ඒ නිසයි. තමන්ටත් පරම්පරාවටත් නිගාවක් නොවෙන විදිහට කෙරෙන  දියනියකගේ විවාහය පරපුරේ හැමෝටම අභිමානයක්]]

😎😎මයුරපාද මිතුරෝ බිලොග් අඩවිය😎😎

මං මලක් ලෙස නුඹ නොහැදුවේ
පෙති හැලී පරවෙන නිසාමයි
දුක දිනා හිනැහෙන හැටි දුවේ
නුඹ දැන උගත් පාඩම තමයි
මිල මුදල නිල බල යා නොදෙයි //
කළ හොඳම විතරක් ඉතිරිවෙයි //

[[දියනියක් වූ පමණින් දරුවෙක් මලක් විදිහට හදන්නත් බෑ. මොකද ඇය ජීවිතයට මුහුණු දිය යුතු නිසා. ඉතින් පවුල් ජීවිතයේ ඔබට දුක සතුට සම සමව විදින්නට  හැකියාව තියෙනවා. 

මිල මුදල් බලය කියන්නේ සදාකල් පවතින දෙයක් කම් නොවෙයි. මගෙ දුවේ යම් දිනයක ඔබ කරන හැම හොද ක්‍රියාවක්ම ඔබව සතුට කරයි. ඒ සතුට ජීවිත කාලයටම ඉතිරි වේවි.]]

දුවේ නුඹ මගෙ...

අප මී මුතුන් මිත්තන් එදා
සිය ලේ කඳුළු දහදිය පුදා
පරපුරෙන් පරපුරට රැගෙන ආ
ඒ ගෞරවය මගෙ දුව තමා
නුඹ යන්නෙ හිස් දෑතින් නොවේ //
ගෙනියන්නෙ ඒ අභිමානයයි //

[[පරපුරෙන් පරපුරට රැකුණු අපේ පරම්පරාවේ  ගෞරවය අද රැකපු මගේ දුව, ඔයා ඔය යන්නේ හිස් අතින් නම් නෙමෙයි මගෙ දුවේ. ඔයා යන්නේ ඒ අපේ පරපුරේ අභිමානයත් එක්කමයි මගෙ දුවේ… ගීතයේ මේ කොටස ඇහෙනකොට නම් විවාහ වෙන තරුණයාට උනත් තමන්ගේ මනමාලිය ගැන ලොකු ආඩම්බරයක් , හැගීමක් ඇතිකරවනවා.]]

දුවේ නුඹ මගෙ...

[[ගීතය මුලින්ම ගායනා කරනකොට සුනිල් එදිරිසිංහ මහතා ගීතය මගක් කියලා ටිකක් වෙලා ඉදලා තමයිලු ආපහු ගායනා කරේ. මොකද ඔහුටත් දියනියක් ඉන්න නිසා ඇයව මතකයට එන්න ඇති..]]

(දියනියක විවාහයෙන් පිටත්වයන මොහොතක ‍‍‍පියෙකුගේ දෙනෙත තෙත් කරන ගීතයක්. මොන විදිහේ පියෙකුට උනත් තමන්ගේ දියන්ය ගැන මේ ගීතයෙන් ලොකු හැගීමක් ඇතිවීම නොරහසක්.)

සංගීතය - රෝහන වීරසිංහ.
පද රචනය - බංඩාර ඇහැලියගොඩ.
ගායනය - සුනිල් එදිරිසිංහ. 

******

තවත් මෙවන් ගීතයක රසවත් කතාවකින් හමුවෙමු.

මයුරපාද මිතුරෝ සමග එක්වූ ඔබට ස්තූතියි!

Read More