මයුරපාද ආදිශිෂ්‍ය මගේ අතීත කතාව - මොහොතක් වැයකර ලිපිය කියවන්න

ඉතා කෙටි කාලයකින් මේ වනවිට අපගේ blog අඩවියට පිවිසුණ පිරිස බලනකොට ඉතාමත් සතුටුයි.

අද නම් අපි හදන්නේ පොඩිඩක් අපේ ආදි කොල්ලන්ව කෙල්ලන්ව අතීතය අරගෙන යන්න...

මතකද ඉස්කෝලේට මුලින්ම ගියපු දවස..
හරියටම දිනයක් නම් මතකයේ නැති උනත් පුංචි අයියා කෙනෙක් පුංචි අක්කා කෙනෙක් මට මල් ටිකක් අතට දීලා මාව පිලිගත්තා. මට මතක විදිහට නම් එතන තිබුනේ ඇන්තූරියම් මල්. ගොඩක් අය ඇඩුවා..


සාරියක් ඇදගෙන මගේ අම්මා මාත් එක්ක ආවත් ගේට්ටුව ලගින් ඇතුළට නම් එන්න දුන්නේ නැද්ද කොහෙද.. සමහර අම්මලාගේ ඇස් වලත් කදුළු.

අයියලා අක්කලා අපේ අතින් අල්ලාගෙන ඉස්කෝලේ එහා කෙලවර තිබුනු මගේ පංතියට එක්කන් ගියා. අදුරන කිසිම කෙනෙක් හිටියේ නෑ. පංතියේ ගොඩක් ළමයි ඇඩුවා. මාත් ඇඩුවද??

හරිම කරුණාවන්ත ටීචර් කෙනෙක් අපේ පංතියේ හිටියේ. සතියක් විතර ගෙවිලා ගියා මට යාළුවෝ ටික දෙනෙක් නම් හම්බවුණා. ඒත් ඉස්කෝලේට නම් ආවේ ආසාවකින් නම් නෙමෙයි.

කාලය ගෙවිලා ගියා.. මට මතකයි. අම්මලා තාත්තලා ඇවිත් අපිට ලස්සන සෙල්ලම් ගෙවල් හැදුවා. මගේ පංතිය පිටිපස්සේ තිබුනා සෙල්ලම් පිට්ටනියක් ඒකේ ඔංචිල්ලා තිබුනා. තව එක එක විදිහේ අපිට සෙල්ලම් කරන්න දේවල් එතන තිබුනා.


අපි හැමදාම උදේට බුදුන් වැන්දා. 

බුදු සරණ වේවා.…
සදහම් සරණ වේවා.…
සඟ සරණ වේවා.…
මෙතුන් සරණින් ජයම වේවා.…
එක වසර දෙක වසර කාලය හිමින් ගෙවිලා ගියා.. මට පුංචි කාලේ මට උගන්වපු ගුරුවරු තාම මතකයි.. ටිකෙන් ටික ඉස්කෝලේ එන්න ආසාවක් ඇතිවුණා. ඉන්ටවල් එකට යාළුවෝ ගොඩක් එක්ක අපි සෙල්ලම් කරා. අපිට ඉස්කෝලේ කැන්ටිමක් තිබුනා. එතන රස රස කෑම තිබුනා. බුල්ටෝ තිබුනා. ඇයි හක්ක පූට්ටු. අම්මෝ මතක් වෙද්දිත් කට රිදෙනවා වගේ.

සමහර යාළුවෝ එක එක සෙල්ලම් කියලා දුක්නා. මැඩම් පංතියේ නැති උනහම පංතියේ ළමයි කෑගහනවා.. මාර සද්දයි.. ලොකු ටීචර්ට ළමයි බයයි. මාත් බයයි.


අපිව මැඩම් සමහර වෙලාවට බෝ ගහ ලගට එක්කන් යනවා පාඩම් කරන්න. මම එතනට හරි ආසයි. බෝ ගහේ හෙවනට වෙලා බෝ මුලක් උඩ මගේ හොදම යාළුවෝ එක්ක එකට වාඩිවෙලා හිටියා. අපි ඉන්ටවල් එකේ බෝ ගහ යට සෙල්ලම් කලා. මට තාම මතයකි ළමයි වැටිලා ඔලුව පලාගත්තා.එතකොට ටීචර්ලා ත්‍රීවීලර් එක්ක දාගෙන එයාව ඉස්පිරිතාලෙට අරගෙන ගියා.
කාලය ගෙවෙනකොට අපි පැන්සල පැත්තකින් තියලා පෑන අතට ගත්තා. එදා හරිම සතුටු දවසක්. ගෑනු ළමයි පිරිමි ළමයි එක්ක තරහයි. පිරිමි ළමයි ගෑනු ළමයි එක්ක තරහයි. එහෙම කාලෙකුත් මට මතකයි. යාළුවෙක්ගේ උපන් දිනය දවසට එයා මොනවා හරි කෑමක් අපි හැමෝටම බෙදුවා. ඊට පස්සේ අපි හැමෝම නැගිටලා Happy birthday to you කියලා කීවා.

මං වගේම මගේ යාළුවෝත් ගොඩක් ආසාවෙන් හිටියේ ලොකු පැත්තට යන්න. අපිව සමහර වෙලාවට ටීචර් ඒ පැත්තට එක්කන් ගියා. අපි හරි ආසාවෙන් ගියේ. යාළුවයි මායි අතින් අල්ලාගෙන එහා පැත්තට ගියේ දෙන්නා දෙන්නා පෝලිමට. අද වගේ උඩින් යන්න පාලම් ඒ කාලේ තිබුනේ නෑ.

අදට කොචිචර කාලයක් ගෙවිලා ගියත් තවමත් මට හැම ගහක් කොලක් නෑරම තාමත් හොදට මතකයි.
අපි ගොඩක් සතුටු වෙච්චි දවසක් ලැබුවා. ඒ තමයි අපි ලොකු පැත්තට යන දවස.. හරිම සතුටුයි හැමෝටම අපිත් දැන් ලොකු අයියලා..ලොකු අක්කලා...
ඉස්කෝලේ ලොකු පැත්ත මගේ මුළු ජීවිතයම වෙනස් කරා. අපි ඒ ගැන තවත් ලිපියකින් කතා කරමු..

[මෙම ලිපිය මිතුරන් අතර බෙදාහැරීමට ඔබත් කැමති නම් පහත සදහන් share හරහා ඔබ කැමති මාධ්‍යයක් තෝරන්න. ඔබගේ අදහස් පහතින් comment කරන්න]

*මයුරපාද මිතුරෝ සමඟ එක්වූ ඔබට ස්තූතියි.*




 

Read More

ආදි මයුරයන්ගේ සත්කාර වැඩසටහන.තොරතුරු දැනගන්න ලිපිය කියවන්න.

2005 O/L E පංතියේ මිතුරු මිතුරියන් "සත්කාර" නමින් වැඩසටහන් මාලාවක් පටන් අරගෙන දැන් ටික කාලයක් වෙනවා.
මයුරපාද මිතුරෝ blog අඩවියේ කතා කරන පලමු කංඩායම විදිහට අපි ඔහුන් තොරාගත්තේ ‍මේ කංඩායම විසින් සිදුකරන සමාජ සත්කාරය අගයකල යුතු නිසාමයි.


මයුරපාද ආදි සිසුන් ප්‍රධාන කොටගෙන ඔහුන්ගේ මිතුරු මිතුරියන්ගේද උදව් උපකාර ඇතිව මේ වෙනකොට වැඩසටහන් කිහිපයක්ම සංවිධානය කරන්න මේ කංඩායමට මේ වෙනකොට හැකියාව ලැබිලා තියෙනවා.

ළමා නිවාසයකට දහවල් ධානය ලබාදීම ,

සීල භාවනා වැඩසටහන් ,

අඩු ආදායම් ලාබී මයුරපාදයන් ඇතුළු පාසල් කිහිපයක ළමුන් සදහා පාසල් උපකරණ ලබාදීම වගේ වැඩසටහන් කිහිපයක්ම මේ වෙනකොට සංවිධානය කරපු වැඩසටහන් කිහිපයක්.




දැනට මේ මිතුරු මිතුරියන් එකතුවෙලා සංවිධානය කරපු වැඩසටහන් කිහිපයක් පිළිබඳව අපි අපේ facebook අඩවිය හරහා ප්‍රචාරය කරලා තියෙනවා.



ඇත්තටම අද තරුණ සමාජය දිහා බලනකොට මේ වගේ සමාජ සත්කාර කරන තරුණ මිතුරන් අපි අගයකල යුතුයි..



ඉදිරියටත් මෙවැනි දෑ සංවිධානය කිරීමට ශක්තිය ලැබේවා කියා මයුරපාද මිතුරෝ ඇතුළු ආදි සිසුන් අප එක සිතින් සුභපතනවා.

••මයුරපාද ආදිසිසුන් ,වත්මන් මයුරපාදයන්  සංවිධානය කරන වැඩසටහන් පිළිබඳ සහ මයුරපාදයේ තවත් තොරතුරු දැනගන්න රැදීසිටින්න මයුරපාද මිතුරෝ සමග••
මෙම ලිපිය මිතුරන් අතර බෙදාහැරීමට පහත share  හරහා ඔබ කැමති මාධ්‍ය තෝරන්න.

*මයුරපාද මිතුරෝ සමග එක්වූ ඔබට ස්තුතියි.

Read More

මයුර රැළියට මයුරපාද මිතුරෝ හරහා සුභපැතුම්..

මයුර රැළිය දෙවන වරටත් 2016 වසරේ නොවැම්බර් 26 සෙනසුරාදා දින පැවැත්වුණ . ඒ  වැඩසටහන ලෝකේ වටේ ඉන්න අපේ මයුරපාදන් මයුරපාද මිතුරෝ හරහා මේ විදිහට සුභපතලා තිබුනා..



මයුර රැළිය සංවිධානය - මයුරපාද ආදිශිෂ්‍ය සංගමය.
සවිබල - මයුරපාද මිතුරෝ මෙතන හැමෝම එවපුවා නම් නෑ කොහොම උනත් සුභපතපු හැමෝටම ස්තුතිය. *මයුරපාද මිතුරෝ*

Read More

මයුරපාද මිතුරෝ දැවැන්ත වෙනසක් තොරතුරු දැනගන්න ලිපිය කියවන්න

දෙස් විදෙස් ආදි සිසුන් මයුරපාදය වෙත නැවත එක් කරමින් මීට වසර තුනකට පෙර මයුරපාද මිතුරෝ facebook පිටුව අපි නිර්මාණය කලා. මේ වන විට 1500කට වැඩි චායාරූප සහ මයුරපාදයේ වැඩිම තොරතුරු එකතුව ඇතුළු වැඩිම ආදි සිසුන් පිරිසක් මයුරපාද මිතුරෝ සමග එක්ව සිටිනවා.


ආදිශිෂ්‍ය සංගමය විසින් සංවිධානය කරන වැඩසටහන් තොරතුරු , අනු කමිටු සංවිධානය කරන වැඩසටහන් තොරතුරු , පාසල් සිසුන් , ආදි මිතුරු මිතුරියන් විසින් සංවිධානය කරන වැඩසටහන් තොරතුරු , ගුරුවරුන් සහ ආදි සිසුන් පිළිබඳ විස්තර. ඇතුළු තවත් බොහෝ තොරතුරු එකතුවක් මයුරපාද මිතුරෝ සතුව ඇත.

ආදි සිසුන් , වත්මන් මයුරපාදයන්, දෙමාපියන්  සහ ගුරුවරුන් අප වෙත ලබාදෙන තොරතුරු චායාරූප   වැඩිම ආදි සිසුන් පිරිසක් වෙත ලබාදෙමින් අදහස් ,  චෝදනා , යෝජනා ඔබට අවශ්‍ය පරිදි පල කිරීමට මයුරපාද මිතුරෝ ඉඩකඩ ලබාදී ඇත්තේ තම පාසල සියලු සිසුන්ගේ අයිතිය නිසාය.
ආදිශිෂ්‍ය සංගමයට දැවැන්ත ශක්තියක් වෙමින් *මයුර රැළිය* වැනි මෙතෙක් මයුරපාදය තුළ ආදි සිසුන් වැඩිම පිරිසක් එක්කරමින් සිදුවූ දැවැන්ත වැඩසටහන් සංවිධානය කිරීමට මයුරපාද මිතුරෝ අපට හැකියාව ලැබුණේ මයුරපාද පාසල් ඉතිහාසයේ වැඩිම ආදි සිසුන් පිරිසක් එක්වුණු වැඩසටහන ලෙස පත්වෙමිනි.

කෙසේවෙතත් කිහිප වරක් මයුරපාද මිතුරෝ මයුරපාද මිතුරෝ නවතා දැමීමට අප තීරනය කලත් මයුරපාදයන්ගේ ඉල්ලීම් සහ අදහස් හේතුවෙන් ක්‍රියාකාරිත්වයේ කිසිදු වෙනසකින් තොරව පවත්වාගෙන යාමට අප උනන්දු විය. වසර තුනකට වැඩි දිගු ගමනක් පැමිණි මයුරපාද මිතුරෝ 2016/11/27 දින සිට ශක්තිමත් කිරීමේ අරමුනින් තවත් ඇඩිමින් වරයෙකු යටතේ ඉදිරියට ගෙනයාමට අප තීරනය කර ඇත. එමගින් ක්‍රියාකරුවන් දෙදෙනකු යටතේ වඩාත් පුලුල් වූ ආකාරයකින් මයුරපාද මිතුරෝ ඉදිරියේදී ඔබට දැකගත හැකිවනවා සේම තවත් ක්‍රම කිහිපයන් ඔස්සේ තොරතුරු ලබාදීමට අප කටයුතු කිරීමට තීරනය කර ඇති බව සතුටින් දන්වා සිටිමු.

Read More