සිංහල සිනමාව උඩු යටිකුරු කරමින් බිහිවන සිංහල ත්‍රිමාන (3D) චිත්රපටය "ගජමෑන්" නොබෝ දිනකින් දිවයින පුරා සිනමාහල් හරහා ප්‍රචාරය ආරම්භ කිරීමට නියමිතයි. පසුගිය දිනක නිකුත් වූ චිත්‍රපටයේ පූර්ව ප්‍රචාරය පටය නිසා මේ වන විට සමාජ ජාලා ඇතුළු බොහෝ මාධ්‍ය හරහා මේ පිළිබඳ වැඩි වශයෙන් කතා බහ කිරීමට පටන්ගෙන තිබෙනවා.
මෙම චිත්‍රපටයේ නිර්මාණ කංඩායම අතර "මාවනැල්ල මයුරපාද මධ්‍ය මහා විද්‍යාලයේ" ආදි සිසුවෙකුද සම්බන්දව ඇති බවට මයුරපාද මිතුරෝ අපට පසුගිය දිනක තොරතුරු වාර්තා වුණා.
ඔහු නමින් "සේනක වික්‍රමසූරිය" (2010 කැඩෙට් සාජන්) මාවනැල්ල මයුරපාද 2010 A/L කංඩායමේ සාමාජිකයෙකුවන මොහු මාවනැල්ල දෙවරගම්පොළ ප්‍රදේශයේ පදිංචි කරුවෙකි.
 |
| 'සේනක වික්‍රමසූරිය' |
"ගජමෑන්" චිත්‍රපටයේ VFX/Visual Effects (දෘශ්ය ප්‍රයෝග) සහ Colour Grading(වර්ණ සංකලන) වෙනුවෙන් "සේනක වික්‍රමසූරිය" විසින් සිය දායකත්වය ලබාදී ඇත.
- මයුරපාද මිතුරෝ -
ලංකාවේ ප්‍රථම ත්‍රිමාන චිත්‍රපට නිර්මාණට මාවනැල්ල මයුරපාද ආදි සිසුවෙකු සම්බන්ධව තිබීම මාවනැල්ල මයුරපාද විදුහලේ අපට සතුටට සහ ආඩම්බරයට කරුණකි.
------
ගජමෑන් පිළිබඳ වැඩිදුර තොරතුරු.
හැත්තෑව දශකයේ අතිශය ජනප්‍රිය හා ප්‍රබල කාටූන් චරිතයක් වූ කැමිලස් පෙරේරාගේ ”ගජමෑන්” ඇතුළු එම නිර්මාණවේදියා විසින් මෙරට පාඨකයින් හමුවේ තබන ලද තවත් අතිශය ආකර්ශනීය කාටූන් චරිත සමූහයක් පාදක කොට ශ්‍රී ලංකාවේ තැනෙන ප්‍රථම ත්‍රිමාණ සජීවීකරණ චිත්රපටය නොබෝ දිනකින් රට පුරා ප්‍රදර්ශනය කිරීමට සැලසුම් කොට තිබෙනවා.
”ගජමෑන්” චිත්රපටය අධ්‍යක්ෂණය කරනුයේ චානක පෙරේරායි. ත්‍රිමාණ සජීවිකරණය, තොරතුරු තාක්ෂණය හා වෙළෙඳ දැන්වීම් නිෂ්පාදන ක්ෂේත්‍රයේ නියුතු චානක පෙරේරා ශාන්ත පීතර විදුහලේ අධ්‍යාපනය ලබා පසුව ඕස්ට්‍රේලියාවේ, ස්වින්බර්න් විශ්වවිද්‍යාලයෙන් බහුමාධ්‍ය පිළිබඳව උසස් අධ්‍යාපනය ලැබූවෙකි.
ශ්‍රී ලාංකික සිනමාවේ මෙන්ම සමස්ථ මාධ්‍ය ක්ෂේත්‍රයේම ඓතිහාසික අවස්ථාවක් සනිටුහන් කරමින් මෙම චිත්‍රපටිය හඳුන්වා දීමේ හා මෙහි පූර්ව ප්‍රචාරක පටය ප්‍රදර්ශනය කිරීමේ විශේෂ මාධ්‍ය හමුවක්පසුගියදා ජාතික චිත්‍රපට සංස්ථා සිනමා ශාලාවේදී පැවැත්වුණා.
- මයුරපාද මිතුරෝ -
මෙරට පුවත්පත් කලාවේ අසීමිත ජනාදරයට පාත්‍ර වූ අතිප්‍රබල ප්‍රකාශනාත්මක චරිතයක් නූතන සන්නිවේදන ලෝකය හමුවේ තැබෙන ”ගජමෑන්” ත්‍රිමාන සජීවීකරණ චිත්රපටය නිර්මාණය කොට ඇත්තේ ජේම්ස් කැමරන්ගේ ”ඇවටාර්” හා ස්ටීවන් ස්පිල්බර්ග්ගේ ”ටිං ටිං” වැනි ලෝ සුපතල දැවැන්ත බටහිර සිනමා කෘති නිර්මාණය කරන ලද ”මෝෂන් කැප්චර්” (Motion Capture තාක්ෂණය යොදා ගනිමිනි).
”චලන ග්‍රහණය” යනුවෙන් අර්ථ ගැන්වෙන මෙම මෝෂන් කැප්චර් තාක්ෂණය සිනමා මාධ්‍යයට එක් වන්නේ මෘදුකාංග ආධාරයෙන් සජීවීකරණය කළ චරිතවල ක්‍රියාවන් සැබෑ නළු නිළියන්ගේ චලනයන්ට අනුගත කෙරෙන නව සජීවීකරණ විධික්‍රමය වශයෙනි. මෙම මෝෂන් කැප්චර් ක්‍රමවේදය සඳහා රංගනයෙන් දායක වී ඇත්තේ දසුන් පතිරණ, චාමර ප්‍රයදර්ශන සමග කසුනි. ප්‍රදීප්, ටිරාන්, ශරදා යන අයයි, මෙහි හඬ රංගනයෙන් දායක වන ප්‍රධානතම රංගන ශිල්පීන් දෙපළ වන්නේ මෑත යුගයේ නිර්මාණාත්මක හාස්‍යෝත්පාදක නිරූපනයේ අතිශය ජනප්‍රිය චරිත ද්විත්වය වන චූටි මල්ලි සහ පොඩි මල්ලී යන චරිත යුගළට පණ පෙවූ සුනෙත් චිත්‍රානන්ද හා ගාමින්ද ප්‍රියවිරාජ් යන රංගන ශීල්පීන්ය.
ගජමෑන් චිත්‍රපටයේ තිරරචනය ලියන ලද්දේ ද ඔවුන් දෙදෙනා විසිනි. ඔවුන් සමග රෂී පබෝධා, යුරේනි නොෂිකා සහ සුනිල් පෙරේරා යන අය ද මෙහි හඬ රංගනයෙහි නියැලෙති.
රු. මිලියන 75කට අධික වියදමක් දරා 2010 වසරේ පටන් නිෂ්පාදන කටයුතු සිදු කරන්නා වූ මෙම චිත්රපටය නිෂ්පාදනය කරනු ලබන්නේ ස්ටූඩියෝ 101 ආයතනය විසිනි.
******
******
මයුරපාද මිතුරෝ මෙම පළවන ලිපි පිලිබඳ තොරතුරු ප්‍රථමයෙන් සහ ඉක්මනින් ලබාගැනීමට අපගේ නිල facebook පිටුව සමග එකතුවන්න
මයුරපාද මිතුරෝ සමග එක්වූ ඔබට ස්තූතියි!.
0 comments:
Post a Comment